無線新劇《溏心風暴之家好月圓》上週收視再創新高，
星期一（十一日），成班演員已經連續第二個禮拜，
將軍澳一間酒樓舉行收視祝捷會慶祝。
由於本週劇情講到李香琴生日，大會安排眾人分成兩隊玩遊戲，自製生日蛋糕。
家住將軍澳嘅陳法拉，比原定十二時半舉行嘅祝捷會，遲咗廿五分鐘先到場，雖然佢未有清楚解釋遲到原因，但就以
身露微波整蛋糕「補鑊」。
除咗「法拉花喱」成為焦點，再次被拍到與「公仔麵大王」周文軒姪女周偉利（Willy ）出雙入對嘅菊姐，亦被記者追問「戀情」，今次菊姐唔再避談Willy ，承認年紀有番咁上下，想多嘅人錫，男定女都冇所謂喎！恭喜恭喜！
11/8
遲大到嘅陳法拉，同演員一齊整蛋糕時，不斷展露微波及花邊喱士胸圍，平日佢安全措施一定做到足，呢個情景都算罕見。
當日同樣遲咗十分鐘先到嘅徐子珊，記者問佢知唔知自己遲嚟，佢居然毫無歉意話：「
！有人仲遲過我啦！」明寸陳法拉仲未出現，兩位花旦雖然合拍地齊齊戴帽現身，但現場所見毫無交流。
半公開承認新歡嘅菊姐，當日攬實司棋姐，不斷研究記者對耳環，心結打開，收視又創新高，心情特別靚。
今個禮拜劇情講「
」李香琴生日，大會安排契女關菊英獻吻，菊姐抹定嘴搞氣氛，但要佢再向真係八月生日嘅黎耀祥送上birthday kiss ，菊姐即縮，反而馮素波爭住代錫，搞到祥仔勁尷尬。
