鍾麗淇自與車震賤男梁榮忠八年情玩完後，這兩年來不時孖住好姊妹湯盈盈夜蒲獵男，去年更傳出同「基金界俊男」劉鎮鴻（Jeff ）拍拖，不過原來係煲冇米粥。
本周日（8月10日）下午3點半，鍾麗淇與湯盈盈去完船p 在中環碼頭落船，其時鍾麗淇身邊出現一名樣子似足馮德倫的大隻背心男。待湯盈盈離去後，兩人即手拖手行去IFC 嗱車，之後再去又一城逛超市。雖然大隻男睇嚟後生過鍾麗淇，但佢哋嘅生活真係好似老夫老妻。
男友似「嚫版馮德倫」，鍾麗淇連續兩晚返男友屋企玩煮飯仔，唔怪得最近冇再夜蒲啦！
8月10日溫馨拍拖
電燈膽湯盈盈一走，鍾麗淇同「嚫版馮德倫」先至並肩而行，不過中環人多，都係手指掂手指，唔敢十指緊扣。
8月10日星期日下午三時許，鍾麗淇在中環碼頭落船後，與好姊妹湯盈盈拍住行，其時「嚫版馮德倫」刻意行先一步。
買碟
兩人在又一城的唱片舖逛了十分鐘便買到心水VCD ，「嚫版馮德倫」對鍾麗淇非常溫柔，說話時陰聲細氣，睇咩戲都由女友話晒事。
揀麵
去到超級市場，兩人狂掃即食麵，當「嚫版馮德倫」在揀麵時，鍾麗淇雙手托著下巴，sweet 爆。
嗅芝士
「嚫版馮德倫」對芝士非常有研究，在賣芝士的櫃位不停拿起芝士狂索，鍾麗淇冇索，齋等。
掃酒
買了凍肉及芝士，當然唔少得美酒，兩人在洋酒部掃了幾枝白酒及紅酒，真係識飲識食。
九龍塘過夜
雖然已經有新歡，但鍾麗淇依然念舊，仲揸住同梁榮忠拍拖時買嘅Golf ，買完
，兩人隨即返回位於九龍塘的男友寓所過夜。
8月11日甜笑回應
本周一晚，鍾麗淇笑住回應新戀情，「哈哈！我唔想講佢（新男友）嘅嘢俾人聽，總之係圈外人啦！我約咗人呀！」之後她乘的士返回九龍塘，原來又係去男友屋企玩煮飯仔。
撇賤男，有運行。近年全職做瑜伽學校「Yoga Asia 」校長兼導師的鍾麗淇，去年被本刊影到同金融界才俊Jeff 過從甚密，不過話咁快已經換咗畫，依家已經有個感情穩定，發展到同居的男朋友。
本周日（8月10日），鍾麗淇約咗湯盈盈一齊出海，落船後湯盈盈識做地走先，剩下鍾麗淇同「嚫版馮德倫」拍住拖去IFC 停車場嗱車。
超市狂掃貨
鍾麗淇做司機載住男友去九龍塘又一城，兩人甚有默契，先去唱片舖買VCD ，再去超級市場入貨，最後買了整蛋糕的材料、即食麵、芝士、凍肉、壽司及幾枝紅酒白酒等，幾大袋食物，夠兩人在家玩煮飯食足一星期。晚上8時許，兩人返回九龍塘一幢唐樓，鍾麗淇熟練地拿出鎖匙開門，直到凌晨2時都沒有離開。
本周一晚（8月11日），本刊記者在「Yoga Asia 」等鍾麗淇放工，記者恭喜她搵到個靚仔男友，她不停甜笑說：「我向來都唔鍾意講感情事，更加唔會講佢嘅嘢俾人聽，佢係圈外人，唔方便講。」鍾麗淇以約咗人做藉口，隨即跳上的士離開，不過最後拋下一句：「總之第時結婚一定通知大家啦！」估唔到咁快就談婚論嫁，睇嚟「嚫版馮德倫」都應該係鍾麗淇嘅真命天子。
06年10月夜會牙醫 被影到與有型牙醫謝偉業夜蒲，不過都係只此一次，冇下文。《壹本便利》圖片
07年7月拖基金男 多次與基金界才俊Jeff 約會斷正，但鍾麗淇說：「我要澄清，我同Jeff 冇拍過拖，你哋誤會晒！」《Face 》圖片
桃花不斷
