陳豪籲放廖碧兒一馬

1^# 大中小 shingling (IP: x.232.242.x) 發表於 2008-7-23 10:59 發短消息只看該作者

「唔睇住盤生意會走嚟走去」
陳豪籲放廖碧兒一馬

由無線劇集《溏心風暴》原班人馬拍攝的《溏心風暴之家好月圓》將於下周一（28日）推出，最近與廖碧兒分手的男主角陳豪成為眾人焦點，談及感情事他大方呼籲各傳媒放廖碧兒一馬。至於有指無線為林峯鋪路嗱視帝一事，林峯一臉風騷地否認此事，還叫大家：「唔好玩我喇！」

李司棋、夏雨、關菊英、陳豪、林峯、鍾嘉欣、楊怡和黃宗澤等人，昨日出席在荔枝角舉行的「家好月圓餅家開張誌慶」宣傳活動，而且更找來醒獅助興，現場亦有不少fans 和途人圍觀，場面非常熱鬧，眾人並順道為監製劉家豪慶祝生日。

陳豪與廖碧兒（小圖）的分手新聞仍然是眾人關心的話題，在楊怡（左）和徐子珊（右）夾擊下，惟有詐傻扮懵。

在《溏心風暴》中講金句出晒名的李司棋（中）和關菊英（右），透露今次的對白也會帶給觀眾驚喜。

大師上身講佛偈早前有報道指廖碧兒與陳豪分手後，感情生活多姿多采，陳豪笑稱與朋友食飯很正常，還叫大家「放人哋一馬」。談到分手一事，陳豪繼續發揮「大師」本色，他說：「我一唔喺香港睇住盤生意，生意係咁走嚟走去，我唔講咁多，留番啲空間畀大家諗。係咪管唔住女友？唔好咁講喇！阿彌陀佛。」
近日有報道指無線替林峯鋪路嗱視帝，對此陳豪說：「我冇理呢啲報道，就算你問我有冇信心冧莊，我都唔會諗，我反而覺得最緊要做好角色，大家笑得開心。見我開花結果最開心？等我拍完劇先。」

陳法拉昨日在活動上十分風騷，先後與黎諾懿及楊天經玩到癲。

林峯鍾嘉欣互避此外，林峯對於爭視帝一事回應說：「你哋唔好玩我啦！年年都係咁講，我有信心觀眾會鍾意呢個角色。我反而覺得陳豪同夏雨演技好好，夏雨更收放自如，佢係咪我最大對手？我又冇諗過喎！我淨係覺得演呢個角色有壓力，怕發揮得唔好。」在活動期間，林峯、鍾嘉欣和黃宗澤被邀合照，當黃宗澤被其他人拉開後，林峯和鍾嘉欣隨即有默契地自動分開，事後鍾嘉欣否認避忌合照，她說：「我同林峯係好朋友，唔會覺得尷尬。」昨日在活動中以陳法拉最投入，不停與同劇男藝員玩到癲。

緋聞男女林峯和鍾嘉欣應邀合照，但表情尷尬非常。

廷伸閱讀/相關主題推介:

相關主題:廖碧兒陳豪

如果您喜歡這篇文章，請按「讚」或分享給您的朋友，以示鼓勵。

罪大惡極????

TOP

著數優惠交流網 » 影視、娛樂交流區 » 陳豪籲放廖碧兒一馬