今屆港姐3號張舒雅賽前被踢扯煙兼當街啜仔，港姐大忌犯晒戒，但仍然無阻攞冠軍，爆個小冷，眼鏡一地都係。
負面報道冇停過，但評判個個夾晒口供，話冇睇過高妹雅的新聞，還清一色大讚她碌竹身形靚絕。本刊更發現，當晚大會評判之一的王敏超太平紳士，原來與張家屬世交。當張舒雅奪冠後，身為王敏超胞姊、早年活躍波場的名媛王敏馨，即時難掩亢奮。
張舒雅雖然出身好，又於美國柏克萊大學修讀時裝設計，但22歲女卻超多失儀小動作，影相成日嗡口嗡鼻又寒背，5呎10吋半高卻只有112磅，著三點式時皮包骨肋骨大過胸，男人見到冇邪念。
扮唔識
各得獎佳麗與一眾評判影合照，冠軍張舒雅掛住向台下王敏馨揮手，即時被工作人員喝停，但她亦蠢唔晒，同台上嘅uncle 王敏超（右一）刻意離行離列冇偈傾，一於扮唔識。
被問到識唔識評判王敏超，張舒雅即時劃清界線話：「唔識喎，我哋見過一次咋！」又會失憶成咁？過一次都好長啫！
踢爆擰歪
知道俾家姐踢爆身份，擔任評判既王敏超即轉身扮講電話唔願上鏡。
蠱惑分幫拖
今屆港姐既三點式同辯論環節評判會即時畀分，仲會顯示係大屏幕，冇得呃人，而冠軍張舒雅身材冇乜睇頭又成碌竹咁高，體態分竟有36，在眾女中排第2，仲高過34D 咪22吋半腰魔鬼身材高海寧，真係有啲古怪喎！
12號黃潔婷雖然上圍有341/2吋，但係體態只係31分，低張舒雅5分咁多。
黃潔婷一句：「港姐唔使化妝可以排少part 。」雖然令全場大笑，但總分仍差張舒雅6分得63分。
好多人眼中有34D 嘅4號高海寧體態應該爆燈，但評判只係畀34分排第四。
大熱號號7號梁雅琳身形最均勻，口才又了得，所以總分高開79分，兩個環節都嗱第一，但仍三甲不入。
張舒雅仲未開口，身邊阿叻卻搶住幫張舒雅講「你好易贏，唔使幫你。」最後以69分贏對手12號黃潔婷，在眾女中排第四名，分數唔係最高但都奪冠喎。
每個評判畀體態分最高可畀10分，而評判王敏超就畀8分，令張舒雅體態總分高開36分，排8強佳麗第二。
上週六（19日）港姐大選，收視平開28點，冠軍反而估佢唔到屬5呎10吋半高瘦平的張舒雅，當晚賽後一眾親友上台向高妹祝賀，台下一位穿上旗袍的長髮中女，反應仲激過張舒雅阿媽，不斷向台上張舒雅揮手大叫：「Edelweiss （張舒雅英文名字），auntie 呀！」張亦馬上以一個招牌細哨笑容揮手回禮。
評判世交
興奮得引來高度矚目的旗袍中女，主動對本刊記者說：「我係舒雅既auntie ，細細個睇到佢大，Edelweiss 好叻好乖女。佢（手指住王敏超）咪我細佬囉，我係王敏馨，我專登來支持佢，我坐響嘉賓枱！」早年活躍社交圈，現為仁濟總理的名媛王敏馨，為中華造船廠創辦人王華生之女兒，今次胞弟王敏超做港姐評判，自己則在台下吶喊。
張舒雅除左有個有財有勢老豆，又識評判同志偉又有交情，相識滿天下，難怪唔識打扮兼儀態麻麻既佢，由面試化左對爆笑蝙蝠眼妝（中圖），至決賽都無風無浪仲食埋糊啦！
張舒雅奪冠未算意外，網友認為6號陳倩揚攞亞軍先係最爆冷。賽前陪跑，但當晚表現神勇，仲攞埋「國際親善小姐」同亞軍，不過網友就覺得佢個樣勁似亞視主持黃麗梅，同埋條頸生得特別短喎！不過佢就話：「我唔知邊個黃麗梅喎！」咁知唔知自己條頸有幾長呀？「哎
，冇度過真係唔知喎！」唔使度都知你短啦！
6號陳倩揚當晚以黑馬姿態跑出，反而企係後面當晚表現出色既7號梁雅琳，就三甲不入，賽果真係令人大跌眼鏡。原來陳倩揚家住上水中價樓既皇府山，屬小康之家。
正常一個5呎5吋既女仔條頸應該有3.5吋長，不過6號陳倩揚就只得2吋左右，足足冇左吋半都攞個亞軍呀陰功。
網友話6號陳倩揚個樣似亞視主持黃麗梅，睇番面試個陣就唔係好似，反而經大會化妝、髮型執過就勁似喇！不過陳倩揚就話唔知黃麗梅係邊個喎！唔係嘛，亞視最高收視節目《中國八大名菜》主持喎！佢口頭禪「雞有雞味，魚有魚味」喎！咁都唔識！
24歲港產妹陳倩揚上圍唔及高海寧，論身高又唔及張舒雅，不過泳裝答問環節，評判畀佢體態分有36分。八強之中排第二，唔知體態係唔係唔計條頸呢？不過當晚大會就幫佢駁長髮，希望短頸冇咁顯眼。
王敏超怕惹偏私造馬即時否認，到了週日（20日），世侄女張舒雅出席得獎記招時，亦夾定口供：「Auntie Alice（王敏馨）係我以前細個屋企（沙田世界花園）樓下既鄰居，不過好耐冇見，個晚（港姐）先見番，（咁你識唔識uncle 王敏超？）唔識喎，見評判時見過一次咋！」。
不過據知情者透露，王張兩家份屬世交：「王敏超個仔阿Paul 同張舒雅由細玩到大，大家成日上對方屋企玩，佢地兩家人一直都有聯絡食飯，冇可能唔識！」
家住九龍塘對衡道市值1億獨立屋的張冠軍，搞到凌晨4點幾先返家，大開中門，傳媒唔放過機會影雨個高貴門口。
雖然提名人Kitty 送左部$3,280既手機畀佢，不過馬賽話部機太多掣唔係好識用，仲想用番部舊機喎！
當日b+ab 正進行final sale ，一件tee 都係100蚊有交易，不過馬賽都左揀右揀，最後都係買左3件衫，一共238蚊果然係慳妹。
