張舒雅夜蒲任攬任掃

08年港姐冠軍張舒雅曾被封「史上最hea港姐」，雖然近年跟爸爸學做珠寶生意，又做part time模特兒，但貪玩性格難改。上週六（15日）凌晨1點幾佢又再出動，去中環荷李活道夜蒲。著住黑色透視裙嘅張舒雅一手拎住香檳杯，一手拎住紮花，似乎啱啱去完一個慶祝派對。佢同一男一女友人喺街頭傾偈，早前話自己回覆單身嘅舒雅，同男性友人特別friend，即使俾對方攬腰、掃背、搭膊頭都完全冇反抗。大約5分鐘後，佢哋就傾好下場去邊度玩，一行三人就直落蘭桂坊。

採訪、攝影：陳辰、吳耀輝、朱志聰
from:http://hk.apple.nextmedia ... 141122/18943276

Heidi昨日以副主席身份，一身黑裙出席仁愛堂就職典禮。

太陽娛樂文化老闆周焯華（洗米華）去年底與女友Mandy Lieu「世紀一拖」確認身份後，令正印陳慧玲（Heidi）心灰意冷，決意搞離婚，自己獨力照顧兩名女兒。洗米嫂近月積極活躍，重返社交界，除自強經營飲食及茶餐廳生意外，昨日以副主席身份出席仁愛堂就職典禮。

張舒雅拒返幕前

身穿黑色套裝襯長boots的洗米嫂透露，她所經營的果汁生意將會搬到香港擴展業務：「𠵱家茶餐廳生意好好，得閒請多多支持。嚟緊都有啲新嘅計劃，都係關於飲食。」問到與洗米華搞離婚手續進度時，Heidi即不願多談：「呢啲唔回應嘞！今日係好日子。」

另外，同場還有曾被封為「最Hea港姐冠軍」的張舒雅，她以一身低胸deep V性感黑裙現身，原來她是支持母親做總理。張舒雅透露現正幫手打理家族生意，問到她會否再考慮做幕前工作，她即一口拒絕表示：「唔會啦，隔咗咁多年，我不嬲都興趣唔大。」

問到張舒雅的感情生活時，她聲稱單身沒有人追，更修心養性戒夜蒲：「平時好少出街，喺屋企多，自己好男仔頭。𠵱家冇蒲，年紀大，媽咪仲成日問，試過叫我相睇，但係唔成功，因為好尷尬。」她自言不急於拍拖：「要搵個對我好過我屋企人對我都幾難，如果啱嘅唔使好有錢都得，最緊要係鍾意。」

採訪：羅慧敏
攝影：沈健程

洗米嫂Heidi（左）早前將澳門茶餐廳生意擴展到香港開新舖。資料圖片

一身低胸性感黑裙的張舒雅昨日表示，對幕前工作興趣不大。

張舒雅（中）現身仁愛堂活動，撐母親梁絢霞（右）做總理。
from:http://hk.apple.nextmedia ... 160416/19573365