08年港姐冠軍張舒雅（Edelweiss）因為當選後懶散不受控，唔願履行港姐職務而被取消加冕資格，卸任後更話要到英國留學，不過最終都係得個講字。
見冇細藝，24歲張舒雅近日「忽然」的起心肝想轉型做模，連一手捧紅Angelababy的經理人Kim亦表示對佢有興趣。難得「最hea港姐」搵到出路，無綫竟破天荒唔計較合約條款規限，無條件送走呢位史上最hea港姐
愈叫愈走
張舒雅可能太耐冇見記者，上月9日一見到有人影相，即時上的士走人，有點寒背嘅佢，上車時顯得頗狼狽，將來要學吓儀態喇！
當選港姐以來不斷被傳媒影到同補習天王男友David Chiu高調拍拖的張舒雅，因經常詐病甩底無綫活動，令無綫忍無可忍罷免其加冕資格，之後當佢人間蒸發。
高妹有so
張舒雅身高5呎10吋而且身形纖瘦，參選時已被名設計師鄧達智話佢唔做模嘥咗。雖然張舒雅一度hea爆，但唔少model公司老闆亦話對張舒雅有興趣。
Angelababy經理人Kim：本刊聽聞Kim曾暗暗向行家打探聯絡張舒雅方法，有意簽佢做模。「佢乖唔乖o架？如果乖嘅我都有興趣o架！你哋介紹佢畀我識啦！」
Starz People老闆鄒世龍：「如果佢條件適合又有興趣喺呢行發展，我哋都會考慮。」
合約箍5年
足成年，張舒雅最近又靜極思動，不過家族從事珠寶生意，資產超過一億，就算搵細藝都不甘平凡，見最近娛樂圈流行模Art，加上自己擁有5呎10吋女模身高，張舒雅鎖定轉型向模界發展。據知，張舒雅早前四出向模界投石問路，知情人士說：「Edelweiss想轉做model，但佢同無綫份合約完咗，仲有段『過冷河』期成5年咁長o架，佢驚瀨嘢，所以想無綫開恩囉！」
母親出馬
轉行事在必行，以往跟無綫高層關係要好的張母更決定代女兒出頭，跟無綫講數。
早前本刊發現張舒雅跟朋友到九龍塘又一城行街買化妝品，素顏的她一見記者即跳上的士，對於是否轉做模Art，張舒雅唔肯透露，只笑住回應：「我鶽家好忙好忙，遲啲先答你啦，拜拜！」
而無綫外事部發言人曾醒明接受本刊查詢時就說無綫無意箍張舒雅。「張舒雅同我哋冇約。（但佢份約講明5年內接job要無綫點頭？）我哋亦冇意思去用任何方法箍住佢，佢想點，完全有空間同自由。」無綫擺明放棄，睇嚟張媽媽可以集中火力督促愛女做模Art喇！
犀利媽出手
父母係珠寶商人，錫女錫到燶的張母梁絢霞（左）及張父張敬猷（右），靠喺無綫嘅人脈關係，代女出面求無綫放生。如今無綫自動棄權，可以慳番啖氣。
合約有得傾
張舒雅被無綫用6年合約縛死，據知所有港姐通常會同無綫簽為期一年的港姐約，之後係留係走，就要個別同公司傾，人人唔同。
林莉 唔俾跳台
「我當年當選後同公司有15個月合約，約滿後冇再續約，不過就講明唔可以過檔亞視同有線！」
高海寧轉做藝員
「我選完港姐後簽咗1年港姐約，之後轉簽經理人合約，為期幾年。」
何傲兒自由接job
「我選完港姐後同TVB有1年港姐約，完約後改簽藝員約，所以我鶽家都可以請阿Kim(Angelababy經理人)幫手接騷。」
模Art 6戒
5呎10張舒雅雖然外形唔錯，但如果真係要轉型做model，除咗要好好鑽研衣着品味，仲要戒除一啲生活陋習。
戒素顏
戒寒背
戒亂襯衫
戒冇儀態
戒hea
生活優悠的張舒雅，平時多數同朋友行街食飯，上月頭便以街坊打扮到又一城買化妝品。
