已有近20年未拍過電影的劉美君，近日接拍邱禮濤的新片《我不賣身．我賣子宮》，飾演一名沉淪毒海的妓女，日前她在深水埗拍攝兜搭嫖客的戲份，與黃秋生當街拉扯，吸引大批街坊圍觀。為配合道友婆角色，43歲的劉美君刻意殘爆上鏡兼晒超黑煙屎牙，令人倒胃。
身為三子女之母的劉美君，年逾40歲仍保養得宜，不時被形容為潮媽、弗媽典範。不過她在導演邱禮濤執導的新片《我不賣身．我賣子宮》中卻為藝術犧牲，飾演一名年老色衰的深水埗流鶯，一面殘爆之餘，當咧嘴露一棚灰黑煙屎牙時更加嚇人，靚媽形象蕩然無存。
趁空檔補殘妝為配合道友婆企街角色，劉美君故意化殘妝、披頭散髮，戴上一棚黑麻麻的煙屎牙牙套。上周她夥黃秋生、2R 的黃婉伶（Race ）和杜汶澤，在深水埗一間桑拿室外拍攝外景時，殘爆上陣的劉美君身穿平價貨色背心，牛仔褲褲腳拉鏈又不拉，打扮求其兼舉止粗豪，確有幾分流鶯風範。雖然造型肉酸，但她相當專業，每有空檔即照鏡檢查牙套有否甩色及為黑眼圈補妝，一於有幾殘得幾殘，懶理一街途人眼望望。
在新片中飾演妓女的劉美君日前在深水埗拍戲，當街拉扯黃秋生兜搭生意。
事業陷谷底的杜汶澤客串扮差佬，只拍攝向劉美君查身份證的鏡頭
劉美君為配合妓女造型，一棚煙屎牙令人唔開胃。
Race 大肚考演技當日劇情指劉美君在街頭兜搭嫖客，被飾演警員的杜汶澤拉著問話，其後她又拿著一疊鈔票去銀行。另一段戲講述Race 飾演一名從內地來港的孕婦，但丈夫不幸死去，故向飾演保險經紀的黃秋生求助，但黃秋生卻被劉美君當街拉扯。
現場見大肚look 造型的Race 還手抱小女孩，幸B 女未有扭計，拍攝順利，Race 笑說：「我未試過做大肚婆呀，今次角色係講我喺內地落嚟，拍咗兩日戲都係同秋生嗌交，好有挑戰性呀。」
黃秋生與手抱小B 女的「大肚婆」Race （右）逛街時，竟遇劉美君「突襲」。
