身為環球歌手的劉美君，上周出席電台活動時忽然火起，力斥無綫冇俾錢，將歌手節目的片段製成DVD發售的行徑如同翻版，更揚言唔怕被無綫封殺。
一向剛烈的劉美君，發炮鬧無綫外，原來連自己公司都唔放在眼內。劉美君新碟本周五（6日）出街，環球唱片公司一早部署定谷碟計劃，準備暑假宣傳。但劉一個屈尾十話請三個月假，更義正辭嚴在微博話：「七月頭出唱片，不等於我要留下。」據知劉美君請假和男友到美國遊山玩水，今次環球唔嬲就假。
冇人管到我！（設計對白）
上周三（6月27日），劉美君到商台宣傳新碟，她向記者解釋經已和公司溝通過放假問題，她說：「呢個月咪宣傳囉！」
08年回流返港做番老本行的劉美君，簽約環球後奉行一年一碟制。去年推出發燒碟《Love Addict》翻唱國語歌，銷量出奇地好。食髓知味，環球於是提議劉美君再出翻唱碟，雙方更一早傾掂數，準備暑假展開連串宣傳計劃，包括兩場小型音樂會、簽唱會等。
環球高層黃劍濤：阿姐，你玩嘢咩！（設計對白）
環球唱片香港區高層黃劍濤（Duncan）承認劉美君今次新碟只集中在6月宣傳，他說：「佢係有私事而請假。」
鬼妹仔性格的劉美君，早前曾在微博發表近百字中文，重申自己態度企硬外，更暗示有人迫她做無謂宣傳。
開會不歡而散
五月底，即距離大碟推出日期只剩一個多月，劉美君突然玩嘢，急call環球高層黃劍濤（Duncan）和幾名宣傳人員返公司開會。齊人後，劉美君劈頭便「宣布」因私人理由要請假三個月，由七月放到九月底。知情人士說：「嗰日佢只係知會公司一聲，而唔係一齊商量。公司當然唔容許呢種情況發生，冇即時俾Prudence（劉之洋名）任何答覆。Prudence見公司唔批准放假，咪嬲爆爆走咗。」於是Duncan出面游說，希望劉美君可以押後假期，建議她八月才開始放假，她當然不肯就範。雖然劉美君唔着在先，但她繼續在微博發惡，「我說七月回美放假，雖然七月頭出唱片，不等於我要留下……我不是管銷量的，更不是sales。」暗示公司有人為求銷量迫她做宣傳。
做勻四電視台
劉美君出山後，09年幫過無綫主持《超級巨聲》，不過因四大與TVB糾紛問題而被飛。加上環球和無綫交惡，劉索性遊走其他電視台，今年10月還幫王維基拍新劇。
now《一個地球》
到雅蒲島拍攝旅遊節目，意外仆崩鼻。
CTI拍劇
上月和王維基到了鳳崗鎮，為新劇睇景。
有線娛樂台訪問
接受主播區永權（左）訪問大談健身之道。
亞視《亞洲星光大道》評判
做《亞洲星光大道4》評判兼唱新歌。
掛住拍拖
今年47歲的劉美君，09年與細她半年的美日混血兒Steve撻着，她亦經常將二人拍拖行山（右圖）和出埠旅行的相放上微博，大晒幸福。
低胸鍛煉
近年劉美君愛上運動，每朝早必定抽時間鍛煉兩小時。她經常將自己身穿低胸背心健身和運動紀錄放上微博，其中一張
