劉美君碌人情卡執導變鵪鶉

1^# 大中小 young 發表於 2017-2-3 18:38 發短消息

相關主題: 劉美君

劉美君早前為ViuTV節目執導，碌咗唔少人情卡搵老友幫手。攝影：林德雄

演活過無數角色嘅劉美君（Prudence），早前應ViuTV邀請參與節目《碌卡大導》，喺觀塘分享初次執導經歷，今次拍攝係零預算兼要碌人情卡，好彩佢喺圈中人緣甚佳，得到唔少朋友相助。

拍攝時，Prudence話遇到最困難就係演員度期，佢笑住話：「自己做演員時就係關我鬼事，同我經理人度，但碌卡就唔可以堅持，演員、攝影、場地都好難就得到，有錢畀度期都難，何況冇錢就更加縮細把聲。」Prudence話自己喺美國先完成好劇本，返港落機就去睇場景，用咗六日時間作前期籌備工作，之後再用兩日時間拍攝，接住後期製作如配樂、剪接等工序佢都有份參與。

劉美君好敬重張艾嘉同許鞍華兩位女導演。

孫耀威友情客串撐劉美君。

（左起）伍詠薇、詹瑞文同劉美君分別為《碌卡大導》唔同單元執導。資料圖片
敬重女導演

而Prudence整個拍攝過程都被紀錄，佢話：「我都好想睇劉美君係乜導演，我自己覺得都可以，過程中冇癲同發嬲。」原來ViuTV邀請前，佢已開始寫劇本，預計明年開拍，佢想拍一部以女性為主電影，同時亦覺得行內甚少女導演，當中只有敬重嘅張艾嘉同許鞍華，佢話：「佢哋都係我嘅前輩，我都想加多個女導演，去承接一把。」

化妝：Kris Wong
髮型：Gary Sun@Hair Corner（Central）
服裝：shiatzychen
撰文：馮仁昭
from:http://hk.apple.nextmedia ... 170203/19915913

廷伸閱讀/相關主題推介:

相關主題:劉美君

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2017-6-22 18:08 發短消息

劉美君10月紅館開騷

9年沒開騷的劉美君，將於10月再踏紅館。資料圖片
環球唱片跟無綫反面後，最近擲百萬捧旗下新人，跟ViuTv合作推出《音樂密密報》節目，陳奕迅、譚詠麟、吳雨霏和鍾鎮濤等排隊亮相明撐ViuTV。

現年52歲做了嫲嫲的劉美君，當年憑《午夜情》爆紅，現相隔9年再踏紅館，將於10月舉行兩場演唱會，她最近推出了英文專輯，而這位久未露面的美魔女都會現身ViuTV節目。

《音樂密密報》由環球歌手麥家瑜、符致逸、周殷廷等做主持，逢周二至周六凌晨12時30分播出，每集5分鐘播MV和訪問，Gin Lee在電話表示：「非常期待同開心，香港需要多啲有質素音樂平台，好期待快啲上節目宣傳新歌。」

採訪：皓騫
from:http://hk.apple.nextmedia ... 170622/20064034

TOP

3^# 大中小 young 發表於 2017-7-1 17:05 發短消息

劉美君海報下架紅隧Ban噬樣

做咗嫲嫲嘅劉美君經常做運動keep fit，外表完全唔似52歲。

現年52歲嘅劉美君，喺80年代憑大膽情慾歌《午夜情》爆紅，之後嘅《最後一夜》、《愛是無涯》等都好受歡迎，08年喺紅館舉行處女演唱會後，相隔九年，將喺10月14及15日再踏紅館舉行「劉美君千色演唱會」。不過，據知劉美君嘅個唱海報，竟然被紅隧以驚嚇為由強迫下架！

呢張海報有兩個劉美君，一個係烈焰紅唇靚樣，另一個係噬大口嘅猙獰表情，效果出位。據了解，有關當局認為海報或會令人產生幻覺、驚嚇，擔心會造成交通意外，所以唔能夠通過審批。海報概念原意展現劉美君多變一面，對於海報被禁，劉美君以短訊回覆：「第一下反應係愕然，突然間被ban咗張海報，但係再諗吓係開心嘅，因為貫徹劉美君係要被ban吓。」

劉美君嘅海報被紅隧以驚嚇為由下架，要改潔淨版（右圖）出街。

怕造成意外

劉美君所屬環球唱片發言人表示：「上個禮拜四（22日）收到通知，都冇辦法，因為呢個係當局監管機制，怕會造成交通意外，公司惟有配合，重新設計另一款海報。」為咗可以如期喺今日出廣告，環球喺短時間內重新提交新版本，劉美君面上嘅驚嚇影像被消失，表達唔到海報原意！
from:http://hk.apple.nextmedia ... 170629/20071873

TOP

4^# 大中小 young 發表於 2017-7-3 16:51 發短消息

劉美君9月添孫女

劉美君開心自爆將再做嫲嫲。

劉美君昨日在尖沙嘴為10月音樂會舉行記者會，已有一個孫仔的她開心自爆再做嫲嫲，孫女將於9月出世，她笑說：「忍咗好耐想講，但我個仔唔畀我po喺社交網站，我話見到記者朋友講吓開心吓，我都唔想招積㗎，但我同孫仔講最錫都係佢，因為佢係長子嫡孫。」替孫女改名？她說：「孫仔叫『正一』，我講笑孫女不如叫『正二』，唔知呀，未諗到！」

對於音樂會海報帶有驚嚇成份而遭紅隧強迫下架，劉美君說：「第一秒唔係唔開心，只係問點解，三秒後就偷偷地笑，因為我出道都被人話慣，要多謝海底隧道，我都明白，有咩事我負唔起責任。」

採訪：黃曉妍
攝影：沈健程
from:http://hk.apple.nextmedia ... 170703/20076742

TOP

5^# 大中小 young 發表於 2017-7-5 19:36 發短消息

劉美君唱惡搞《午夜情》

劉美君將於今年10月14、15號喺紅館舉行演唱會，佢首經典歌《午夜情》8年前曾經俾林敏驄二次創作，改詞翻唱，歌名叫《仔》，其中歌詞有「仔你老竇儍痴痴仔不喜說話像生滋」。

最近劉美君翻唱《仔》版本放網上宣傳，搞笑咁話：「阿驄，點解我識你咁耐，當年你唔寫呢首詞畀我？我覺得呢個版本正好多。」佢仲話唱《仔》版好好玩，諗起好多深刻嘅童年回憶。

撰文：馮仁昭
from:http://hk.apple.nextmedia ... 170705/20079068

TOP

6^# 大中小 young 發表於 2017-7-7 02:22 發短消息

劉美君對唔住林敏驄

劉美君嘅《午夜情》被林敏驄改詞惡搞，佢唔介意，噚日喺商台做訪問時仲致歉話：「我想同阿驄講唔好意思，之前佢個演唱會，我話啱時間我會返嚟唱，跟住大家拍片支持佢，我又冇。因為我姨婆剛剛過身，自己都好唔開心，點知佢咁支持我，真係好唔好意思。」

劉美君仲話唔排除將呢隻惡搞版，喺演唱會度唱。至於歌衫會唔會玩性感？佢話唔會刻意創新。

撰文：馮仁昭
from:http://hk.apple.nextmedia ... 170706/20079979

TOP

7^# 大中小 young 發表於 2017-7-30 18:24 發短消息

劉美君威脅男友捧場

林敏驄笑指當日開騷劉美君未有到場，特別留起一件Tee送給她。

劉美君昨日在炮台山為ViuTV拍攝音樂特輯，宣傳其10月舉行的演唱會《千色》，並邀請林敏驄和李幸倪任嘉賓。林敏驄在合照時，抱着劉美君的小腿，又送上早前開騷的Tee。之後，他又手多多指着劉美君的胸口，她笑謂：「你唔好篤咁埋呀。」

劉美君說：「我成日話呢個唔係演唱會，其實係想話呢個騷會比演唱會更豐富，但係好多人誤會咗。」她強調由熄燈唱到完騷，中途不設廁所位，連換衫都在台上換。問到男友屆時會否捧場？她說：「唔知佢嚟唔嚟，唔嚟咪分手囉，佢連瞌埋眼都要分手呀。」

採訪、攝影：盧妹
from:http://hk.apple.nextmedia ... 170728/20103595

TOP