鄭融師兄合照面紅耐人尋味
14/07/2008
緋聞情侶劉浩龍（師兄）與鄭融，自分手消息傳出後，前晚首次同場現身公開活動，面對分手傳聞，師兄說：「（傳媒）一間話一齊，一間話分手，好亂，總之唔回應、唔理，由佢『撲朔迷離』！」問到師兄對鄭融新髮型有何評價時，他即圓滑地說：「靚囉，點會講唔靚，有新鮮感，都留 四年。（好清楚？）唔知呀。（合照？）冇所謂，我係劉大方。」
而當被要求合照時，鄭融助手就即時竭力阻止，但最後亦企定定滿足記者要求，扭擰合照後，即見鄭融尷尬面紅，她解釋說：「出面好熱，大家都面紅。（讚你髮型？）多謝。（冷淡？）唔係，平日我 都會講 ，如果長篇大論，大家唔覺得好奇怪咩？（留番私底下傾？）順其自然啦，要講就講（佢話感情撲朔迷離？）咁要畀番對對聯佢『耐人尋味』！」
此外，兩人昨日再次同場，但由於鄭融表演後就即時閃人，與師兄緣慳一面，姍姍來遲的師兄否認刻意避開對方，他說：「為電影配音遲 ，尋日都影晒相啦！我係劉大方，冇前後腳，冇玩二人三足。」
如果您喜歡這篇文章，請按「讚」或分享給您的朋友，以示鼓勵。
