有不少配音經驗的森美，早前與江若琳（Elanne ）、關智斌（Kenny ）及張致恆等為卡通片《猩戰傳奇》配音，森美覺得今次的角色有如他本人，因為哈姆是一個口花花、時常講爛gag 撩女仔的猩航員，他說：「我以前讀書成日寫情詩畀女仔㗎，至於講笑話更加唔係問題啦。」
自嘲醜態盡現
森美又取笑Kenny 配的角色似一隻被閹了的猩猩，他說：「Kenny 配嘅角色叫大嚿，係一隻好大隻嘅猩猩，都唔明佢點解配到大隻佬角色，我覺得佢把聲似一隻閹咗嘅猩猩，因為男仔當中佢把聲好高音。」
至於第一次配音的Elanne ，透露在配音室醜態盡現，她說：「戲入面有幾場係講我要逃走，我一路配真係一路走，後來諗番都覺得自己好白癡，我估製作特輯一定可以見到我嘅醜態。」
森美笑言自己口花花常講爛gag ，似十足卡通片中的主角猩猩。
Kenny （中）被指聲線高，為大隻猩猩配音顯得格格不入。
