廖碧兒一直避提感情事，更稱以事業為重。
廖碧兒和馬德鐘昨日到尖沙嘴接受新城節目訪問，廖碧兒和陳豪（Moses ）拍拖四年終告分手，昨日廖碧兒出現時顯得臉腫腫，被問到是否因為分手報道而喊到眼腫臉腫時，她就否認其事並大呼：「黐線！」
對於被指與陳豪已分手，廖碧兒則避談說：「乜嘢呀！唔知新聞喺邊度嚟，之前都有話我俾公司雪足四年啦。」不過當記者再追問兩人是否還在一起時，她即說：「感情事唔答，不嬲都係緋聞男女關係，報道點寫冇得控制，總之同Moses係好朋友，同佢近排冇見面，只係喺公司做賑災活動見到。」
陳豪昨與李司棋等人在大馬宣傳《溏》劇時表現輕鬆，未受分手事件影響。
陳豪佛偈回應
廖碧兒強調自己現時以工作為重，至於是否代表陳豪沒有機會，她說：「唔答，以前有諗過24歲結婚、生仔，但而家就要係適當嘅時候，感情需要時間培養，冇得要求對方遷就，感情事自己一直都唔講，唔想影響對方。」
此外，陳豪昨日與李司棋、鍾嘉欣和楊怡到馬來西亞為《溏心風暴》宣傳時，被記者追問與廖碧兒分手一事，陳豪竟大講佛偈說：「菩提本無樹，明鏡亦非台。」然後哈哈大笑起來。
採訪、攝影：駱華齡
