買完外賣，擔住遮嘅鄭融講住電話，轉方向行去麵包鋪。
出街就嚟落雨，再唔係就酷熱天氣警告，如非必要，八珍「柄」埋屋企拗手指都唔願蒲出街。
佩服鄭融。上星期二（六月十七日）下午五點幾落住雨，佢一個人喺跑馬地擔住遮，拎住大袋外賣再去買麵包，之後左穿右插，一眼關七搵的士搭。
的士呀!
喺麵包鋪買完麵包，鄭融第一時間伸手，唔係，係伸遮截的士。
左手一大袋外賣，右手一袋麵包再揸銀包同雨遮，冇手開遮嘅鄭融唯有俾雨淋。啦！好在雨勢唔大，否則，佢呢身透視打扮肯定好睇。
見到有架的士，鄭融第一時間撲埋去上車。
上咗車都唔走得，事關之前個客冇碎紙未俾錢；冇錯，就係呢位洋妞，司機找番錢，洋妞大方唔要。
雖然雨勢唔大，但放工交更時間，的士唔係有客就
旗。兩手都係嘢嘅鄭融根本冇手開遮，都幾狼狽。終於俾佢睇到老遠有架的士停喺一邊，原來的士司機等緊之前個客落車換散紙找數，鄭融有你冇你，第一時間衝上車坐，同的士司機一齊等。
唏，與其係外賣，點解唔打電話叫，又或者，搵觀音兵幫手。啊，係喎！閣下同劉浩龍散咗囉喎！
