出道三年的衛蘭，本是A Music 老闆黎明的掌上明珠，不過去年因飽受「迷幻名單」和包養TB 助手的傳聞影響，事業急速插水，新唱片久未推出，最近的已數到前年11月推出的《DoUKnow 》，加上其身形翻脹再翻脹，有指因而激怒纖體公司，控告她毀約要求賠錢。
衛蘭經歷人生低潮，據知她自上月初露面後便一直自閉家中，更因患輕度厭食頻頻向中醫求救，即使公司三催四請依然唔見人，最終辣
黎明，限她在一個月內完成新唱片錄音，否則無限期掟她入雪櫃。
上周四（19日）下午，衛蘭卒之肯現身重投錄音工作，但記者發現消失一排的她眼神浮游。被問到為何頻頻睇中醫，她竟說：「哈哈，係呀，我想增加維他命！」明顯語無倫次，情況確實令人擔憂。
呆滯回應
上周四原本冇化妝的衛蘭，在保母車接載到新蒲崗錄音室期間，雖然已極速搽上粉底胭脂，但她回應記者提問時，全程呆滯，雙眼浮游無神，沒有正視過記者。
髮線退後
被傳有輕度厭食的衛蘭，身形和面頰明顯瘦了，不過髮線有退後跡象，難怪她也承認要睇中醫。
忽然緊張
被追問唱片未能如期推出，衛蘭忽然緊張起來，手足無措，一時
嘴傻笑掩飾，一時緊張到咬牙切齒兼雙手扯衫。
司機（左）專誠揸保母車接衛蘭錄音，不過他足足在樓下等了45分鐘，衛蘭才出現。
落樓未
醒
當日下午3時許，衛蘭卒之肯蒲頭錄音，不過她一見陽光，竟連擘大眼都有困難，一雙黑眼圈更好明顯，明副其實「見光死」。
自去年傳出「迷幻名單」和包養TB 助手的負面新聞後，衛蘭即被公司勒令「洗底」，但早前又因脂肪唔爭氣而有傳被「必瘦站」控告毀約。連番受挫的衛蘭，據知近日情緒極度不穩，「佢呢個幾月情緒都好飄忽，有時公司call 極佢都唔聽。早排四川賑災，本來都預咗佢演出，但佢又話呢度唔舒服過度唔舒服，仲話自己食唔落嘢睇緊中醫，就連唱片錄音都唔肯蒲頭。」一知情人士說。
衛蘭近月頻頻以唔舒服為由謝絕錄音，有傳因而辣
黎明，他下令衛蘭月內要完成錄音工作。
新碟一拖再拖
原定今年六月要出新碟的衛蘭，一直以病為由謝絕錄音，因此即使在去年尾開始錄新歌，但到現時新碟只錄得七首，相反派台歌則已plug 了四首包括〈如水〉、〈雜技〉、〈無所謂〉和〈主角愛我〉。「公司諗住幫佢細妹（衛詩）七月中出碟，老闆話唔想自己人打自己人，原本定咗衛蘭六月出碟先，所以早排係咁plug 佢啲新歌，諗住幫佢谷行隻碟，點知佢一句話病唔想錄，搞到隻碟錄到半桶水，玩下手仲遲過佢細妹出。」該知情人士說。
翻查資料，衛蘭最近一次出席公開場合，要數5月5日在會展舉行的迎奧運音樂會，自此她一直未有露面。《蘋果日報》圖片
衛蘭成為「必瘦站」代言人後，的確曾成功瘦身，但之後她又暴食翻脹，有傳纖體公司要求賠錢。《蘋果日報》圖片
車廂極速補妝
衛蘭匿埋唔蒲頭，近日終惹怒黎明，下令要她現身，否則無限期雪藏。自知闖禍的衛蘭，近日終肯蒲頭重回錄音室。上周四（19日），記者發現衛蘭從郝德傑山寓所步出，乘保母車到新蒲崗的錄音室。現場所見，冇化妝的她，面容憔悴，雙眼更圍著一對極深黑眼圈，對於記者拍照只懂一味苦笑。
直至保母車駛到新蒲崗錄音室樓下停車場，記者發現原本面色灰白的衛蘭，忽然搽上粉底姻脂，稍稍遮蓋黑眼圈，但回答記者問題時，精神依然恍惚。
記：你隻新碟幾時推出？
衛：（表現緊張）吓，應該今年啦！
記：乜唔係六月咩？
衛：我唔知呀，你最好問番公司啦！
記：知道最近你唔肯食嘢要睇中醫喎？
衛：梗係唔係啦，我不知幾鍾意食，（停頓數秒）睇中醫只係想調理身體，哈哈，我想增加維他命！
記：公司叫你去賑災同錄音，但你唔肯去喎？
衛：……你哋最好問番公司！
細妹唔夾口供
衛蘭自閉家中期間，妹妹衛詩惟有一直單拖現身各大小活動。當晚衛詩便到上水出席一奧運活動，對於家姐患上輕度厭食，衛詩默認：「哦，冇咁嚴重……不過你都知我同家姐都有纖體公司嘅約，梗要保持身形曲線。（知唔知你家姐睇緊中醫？）係呀，我同家姐都有睇，想keep 好把聲嘛！」雖然助手以衛詩趕出場為由，迴避記者問題，但兩姊妹答案明顯有出入。
本刊日前就衛蘭自閉一事致電A Music ，發言人歐小姐表示：「衛蘭隻碟打算暑假後推出，係有少少遲，不過都係想做到盡善盡美啫，衛蘭依家都努力錄緊歌。至於冇做四川賑災騷，講真大家都係有錢出錢，其實佢都好樂意去，不過係時間配合唔到啫。（係咪因為厭食要睇中醫？）佢本身有哮喘，睇中醫都係想調理身體，絕對唔係厭食咋！」
上周四（19日）晚，沒有家姐在旁，單拖出席活動的衛詩，被問到家姐厭食睇中醫，她的口供與衛蘭的有出入，之後還一面答一面自己叉頸，似乎連她都唔知點兜。
以往衛蘭見到記者，總是一副傻大姐表現，不過4月中記者發現衛蘭獨自到中環置地逛街，她對鏡頭怒目而視扁晒嘴，之後急急腳離開（右圖）。
大上大落
05年出道的衛蘭，由於得天王黎明和雷頌德提攜，加上唱功了得，在新人輩中極速彈起，05年唱片《My Love 》和06年唱片《DoUKnow 》銷量均達白金（五萬張）數字。可惜07年捲入「迷幻」和「包養」助手事件，事業迅速回落。
