型足十幾廿年，「MetalGear Solid 」男主角Snake 都差唔多係時間同大家講「拜拜」，在事先宣揚下，新作「Metal Gear Solid 4」應該係蛇叔最後告別之戰。話明係告別作，製作人小島秀夫除搵埋前幾集的重要角色齊齊出場歡送蛇叔之外，仲特別同好多潮流Product 搞Crossover ，就算平時少玩Game 都真係要買來儲，向這位潮流Icon 作最後致敬。
撰文：布偉倫
聲畫靚似荷里活片
用超級大作去形容「MGS4」絕不為過，只要大家安裝完遊戲後睇Cut Scene ，就會感受到1,080p 畫面加上對應Dolby Digital 的超強聲畫效果，講質素真係拍得住唔少荷里活大片。尤其在序章中蛇叔身陷中東一幕，場景的細緻程度、人物動作反應、分鏡以及劇本都成齣電影咁；當然唔少得玩吓幽默感，內容講明今次蛇叔唔再用紙箱笠頭匿埋外，仲晒吓今集超靚的光學迷彩保護衣，單睇呢幕都值回票價。今集蛇叔有咩新招？就係將自己收埋在鐵桶入面，好搞笑；另外，更為蛇叔設計咗唔少新動作，好似在CQC 近距離搏擊中的壓制技，同好多翻滾動作，不過呢，蛇叔衰老速度真係拍得住福伯，若翻滾得太多會頭暈兼作嘔，貫徹「MGS」系列的幽默本色。
經典角色大集合
今集蛇叔的裝備都增強唔少，好似左眼就裝備上可作望遠鏡、夜視鏡及光學感應器的「Solid Eye 」，一眼關七；另外為了避開敵人，除可以「變色」玩黐地令其他人「睇我唔到」外，亦識得扮雕像。到底蛇叔今集下場會係戰死沙場抑或歸隱，到截稿前都未知，不過小島San 都好識做，搵番之前幾集出現過的角色歡送蛇叔，當中包括第一集的Meryl 、Mei Ling，第二集的Raiden 、Rosemary ，以及第三集的Eve 等，至於死對頭就係畀Liquid 上身的Ocelot ，大玩集體回憶。「MGS4」已經有排玩外，今次Konami 更在遊戲內加送「Metal Gear Online 」新手包畀大家連線玩「Metal Gear 」，可以支援16人對戰，不過始終未係正式版，版數唔太多。
遊戲資料
類 型：動作
開 發：Kojima Productions 、 Konami
平 台：PS3
推出日期：已推出
查詢電話：27253338
售 價：$408（英文行貨）、$499（日文行貨）、$599（日版）
如果您喜歡這篇文章，請按「讚」或分享給您的朋友，以示鼓勵。
