日本女星瀨戶朝香90年代入行都係圈中索爆玉女，當年一把黑色秀髮同埋驕人身材，真係迷盡少男，連香港天王黎明都搵佢合作，15年前合演港片《不死情謎》仲傳過緋聞，現時已嫁V6成員井之原快彥嘅瀨戶朝香，育有一子一女做幸福師奶。
瀨戶朝香嫁得唔錯，近年唔使憂過住富貴生活，一家四口住喺花費2,100萬港元興建嘅豪宅，屋內包括花園及菜園，夫妻仲各自擁有名貴房車。就因為無憂無慮，瀨戶朝香兩個月前被拍得發福走樣，4月同老公撐傘時，不自覺露出幸福雙下巴。朝香話曬曾經係玉女掌門人，自從肥師奶樣曝光後，佢立即收身救亡，經過兩個月時間，佢終於更新網誌，見朝香已回覆瓜子口面，仲重拾信心十足曬V自拍，佢更表示就快40歲，體力開始衰退，目前積極做運動，佢仲為代言嘅酵素食品落足嘴頭宣傳，朝香仲話每朝要大清早5點半起身，為照顧丈夫同兒女真係大犧牲。
from:
http://hk.apple.nextmedia ... 160623/19665721
