馮小剛喺四川大地震發生後，積極參與演藝界嘅賑災活動，從而啟發佢開拍一部以唐山大地震到四川大地震嘅感人電影，主角人選已經傾緊周星馳、成龍、劉德華、葛優、陳道明同張國立等紅星演出。
真人真事馮小剛希望藉此喚起全球對地震災民嘅關愛，因為災後重建需要幾年時間，馮導演希望呢份關愛可以持續落去。
由於喺唐山大地震同5.12嘅四川大地震出現咗好多感人嘅真人真事，馮導演會將呢啲古仔集合起來串成一部動人影片，預計明年3月開拍，製作成本約5,000萬人民幣（約5,600多萬港元），部戲會由中影、唐山市政府同華誼兄弟合作投資。
日前馮仁昭打電話畀馮小剛，佢話：「確實是在籌備這部電影，不過我要先忙完手頭上的電影才會開拍，預計明年吧！演員還在聯絡中，由於未簽合約，所以暫時不好說。」
明年馮小剛開拍嘅地震戲，華仔同張國立（左）都係主角人選
馮小剛（左）同葛優（右）係老拍檔，佢開拍地震片，點會唔預老友演出
點解成日都要重演慘劇
