正所謂一山不能藏二虎。何況係兩隻雌老虎。
周二（27日），佘詩曼、楊恭如齊齊以愛心大使身份，到佐敦金至尊出席一個「燃點希望愛心義賣」籌款活動。
本來，講戰蹟、講江湖地位，阿佘同楊恭如半斤八
、不相伯仲，大家咁高咁大。不過，阿佘率先出招，遲到十幾分鐘至施施然到場。在場呆等嘅楊恭如個心點諗，大家可以想像。咁都唔止，阿佘因為最近爆出送車送名錶俾吳卓羲嘅緋聞，一出現就俾大班記者圍住，其他同場藝人都被冷落，連楊恭如都唔例外。
唉，鬼叫佢呢排咁淡靜冇乜新聞咩！冇計？認輸？咁又錯
。陪住楊恭如一齊出席活動嘅楊媽媽，本來一直拒絕出鏡。但楊恭如見到勢色唔對，立即出招，搵阿媽幫拖，兩母女企定定任影唔嬲，終於嗱番個尾彩。
所以幾時都話，世上只有媽媽好。
阿佘遲咗十幾分鐘至施施然到場。
我至係真正嘅阿姐！（設計對白）
睇你威得幾耐！（設計對白）
成班記者圍住阿佘追問貼仔事件。
楊恭如拖阿媽出招，終於引番記者嘅鏡頭。
