BMG 力谷的新仔陳柏宇（Jason ）上月被本刊影到當街扯煙，之後佢知衰，隨即在自家blog 中寫悔過書向公眾「say sorry 」，而且講明會甩煙癮。
週日（25日）Jason 再現身機鋪，但今次就唔見佢扯煙，只見佢狂舔雪條，孺子真係可教！
週日陳柏宇喺機鋪食雪條，但一個月前，仍是煙民的他，在機鋪內煙駁煙。不過為做好偶像歌手，即刻喺自家blog 中認錯兼搣甩壞習，相信fans 會體諒你嘅！
近排未有工作在身的陳柏宇（Jason ），週日（25日）現身銅鑼灣，陳先跟友人逛CD 鋪，再遊商場，不過最終都離不開佢最愛的機鋪。
平時煙駁煙的陳柏宇行街期間竟然一支煙都冇食過。當日佢先買朱古力脆皮雪條，再入機鋪搵佢最鍾意玩嘅「篤篤機」坐低慢慢歎。23歲的他邊打機邊舔雪條，完全冇搵煙食，果真言出必行，搣甩咗喎！
拒剷紋身
不過陳柏宇雖然已經成功搣甩煙癮，近日卻被網友踩多腳。踢爆他一直收收埋埋的紋身秘密，最近就有網友公開佢嘅紋身相，清楚可見紋身由頸背、背脊直落到尼龍骨，範圍覆蓋成個背脊，知情人話：「佢（Jason ）喺加拿大紋嘅，話想喺返香港作戰之前留個紀念喎！」難怪陳柏宇一直不願紋身見光。
本週一，記者致電陳柏宇助手，助手承認陳柏宇已「搣」甩煙癮，但紋身就一定唔會洗甩。「Jason 認為紋身喺外國係一件好藝術嘅事，冇擔心乖仔形象會受損。」戒煙已經唔容易，要整走咁大個紋身更是棘手，放過番書仔啦！
前乖仔
平日出街嘅Jason 都係著tee 加牛仔褲，但就用個head phone 嚟遮住頸上面嘅紋身。早知係咁，又何必當初呢！
後面大公仔
網民提供的相片，可見生於加拿大的陳柏宇，臨返香港闖樂壇之前，在當地紋了身，由條頸紋到落個背脊都係荊棘，可能陳柏宇當時冇諗過呢個紋身可能成為佢日後接job 嘅障礙。
08'4月煙民
讀書時期嘅Jason ，其實都冇乜走樣，應該係個髮型影響視覺效果啫！
