從來唔介意展露重量cup 身材嘅廖碧兒，喺上星期五（五月十六日），著住低胸火紅晚裝，出席「法拉利one-to-one 個性化」發布會。
雖然低胸易走光，但為咗同幾位老細一齊進行揭幕儀式，廖碧兒何止唔介意
低身揭開車撼，收到大會送出嘅模型跑車，一樣笑到見牙唔見眼，非常識做。
儀式完畢，廖碧兒同記者傾開四川地震話題，話自己細佬喺北京教書，遇上地震所以有少少擔心，亦好關注每日災情。
但當完咗記者會，《壹》仔就喺附近間Gucci 撞番廖碧兒，見佢不斷試孭各式各樣新款手袋，睇咗好耐都唔願走。既然咁關心四川，不如嗱shopping 啲錢賑災好過啦！
見到車廠高層，廖碧兒除咗熱情地打招呼，仲唔介意
低身揭起車撼。
親細佬喺北京教書遇上地震，廖碧兒雖然擔心，但細佬二話不說走去救人，比家姐更有善心。（《蘋果日報》圖片）
大會送出模型車慰勞，廖碧兒笑到似收到真車咁開心，咁識做，難怪可以成為各大品牌寵兒。
口話擔心災情，但轉個頭就走去shopping ，有錢不如捐俾災民啦。
著住火紅晚裝嘅廖碧兒，話想自製一架粉紅色法拉利，佢認為出到街一定好高收視率，我驚會嚇壞人多啲。
