為國捐軀英皇密令 泳兒波壓祖兒
唏呵唏！
（設計對白）
今年《星光熠熠耀保良》紅星雲集，但最搶鏡竟然唔係班一線阿哥阿姐，反而係首次打開心口晒胸的泳兒。即使衣著談不上性感，但泳兒渾身是勁的舞姿，心口兩團肉幾乎破tube top 而出，令同場演出、只屬洗衫板身材的Yumiko ，完全輸晒。
據知，英皇因為阿嬌淫照事件，加上Isabella 一去不返，於是下令禾稈
珍珠的泳兒，行性感加速上位，同時亦將Sun Boyz 成員解散，留低Angelababy 緋聞男友William 單拖上陣，在保良夜安排一姐容祖兒，傍住師弟演出。英皇捧人變陣，絕對不容有失！
無論係一姐容祖兒，甚至身材高佻的Yumiko ，全都胸無四兩肉，唯獨生得細細粒、走唱家班路線的泳兒，成功打破平胸悶局，有料身材令觀眾睇到嘩嘩聲。
被公司勒令行性感，泳兒出席保良騷拜神時，已經以透視裝勁晒C cup 身材。
英皇一姐容祖兒性感tube top 上陣表演勁舞，雖然出動到45度傾斜舞姿、疊羅漢等高難度動作，最終仍被泳兒脹爆心口搶盡風頭。
繼Don &Mandy 被解約後，英皇再向Sun Boyz 開刀，只有William 一個可以留低，更安排一姐力撐出線，二人排舞三日刻意sell 舞功。
泳兒脹卜卜上圍，睇到人熱血沸騰，也因此更將身旁粗腰平胸的Yumiko 被比下去。
揀帽
保良主席訂做了不同款式的cap 帽，送給所有演出歌手留念。Eason 揀了純白款式，更識做地即時戴上。
扮側田
成晚high 爆的Eason 忽然側田上身，扮肉緊唱情歌。「前排我試過方力申份人好玩得，我覺得側田都應該玩得。」
fing 頭絕技
側田上身的Eason ，戴住cap 帽不斷fing 頭，展示側田「永無甩帽」絕技，全場爆笑。
意外重演
到達美麗華酒店舉行的慶功，Eason 一見到師弟關楚耀，即刻飛撲埋去坐，點知跣腳撲到對方身上，事後Eason 死撐說：「我特登㗎！唔係咁點搶鏡呀！」其後多次將「意外重演」，俾記者影相。
牛咁眼
玩玩吓，同屬環球的張敬軒影完相返埋位坐，表情多多的Eason 忽然板起塊面牛咁眼望到實，嚇得軒仔以為有事發生。其後Eason 張口大笑，軒仔才知被玩。
睇豬籮來自韓國的張娜拉，在開騷前參與拜神儀式。食慣韓國燒烤，但從未見過乳豬全體的她，不斷好奇地窺探乳豬「籮柚」（左圖），之後伸長雙手扮燒豬（右圖）。拜完神，張娜拉接過燒肉，又再好奇研究，最後戰戰兢兢地搣了少許瘦肉試味（下圖）。
咩嚟㗎？！
（設計對白）
