泳兒斥司機冇誠意道歉

1^# 大中小 young 發表於 2016-7-3 18:37 發短消息

相關主題: 泳兒

泳兒與新加坡管絃樂團昨日在奧海城出席活動。近日泳兒的男友因搬運傢俬被櫃門所傷，右手流血入院縫了十四針，她說：「佢同貨車司機搬櫃，手未縮開司機就閂櫃門，流住血行去醫院睇醫生，要停工半個月。」泳兒被問到其男友會否考慮追究，她稱：「對方想和解，明白司機收入未必多，唔係要賠多，係誠意問題，𠵱家條氣都chok住。」
from:http://hk.apple.nextmedia ... 160702/19678000

廷伸閱讀/相關主題推介:

相關主題:泳兒

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-5 18:25 發短消息

泳兒畏高怕玩跳樓機

泳兒噚日到新城做訪問，講到月底將推出嘅新歌《我的情書》，係紀念自己入行10周年作品，佢話：「首歌係講勇氣，所以𠵱家都同公司度緊挑戰啲平時唔敢做嘅事。」佢透露自己有畏高：「我係怕高到行樓梯都好驚，去到高嘅地方望出去會腳軟。同事叫我玩跳樓機，但我驚負荷唔到，因為見到新聞話有人玩完跳樓機後休克而死。」

撰文：馮仁昭
from:http://hk.apple.nextmedia ... 160708/19685680

TOP

3^# 大中小 young 發表於 2016-8-6 01:05 發短消息

泳兒望接病母返家休養

泳兒、洪卓立（Ken）和C AllStar昨日在中環出席「2016麥王爭霸」歌唱比賽記者會，問泳兒曾昏迷的媽媽情況時，她表示媽媽可以睜開眼睛：「希望可以接佢返屋企，為佢特別裝修過間屋。」而14年這比賽冠軍泳兒與Ken同屆，問到會否再次參賽，Ken反指希望做旅遊節目：「可以邊食邊做嘢，都想同女朋友（湯怡）一齊做，之前我哋去韓國都拍咗片，遲啲會放上網。」

採訪、攝影：曹家誠
from:http://hk.apple.nextmedia ... 160724/19707393

TOP

4^# 大中小 young 發表於 2016-10-23 16:36 發短消息

泳兒陳家樂老夫老妻

泳兒日前為新歌《我的情書》拍MV，請咗佢嘅演戲老師阿群同陳家樂拍攝，泳兒扮演心事信箱主持人，睇盡人生百態，結尾泳兒同家樂化老夫老妻妝，兩人都話老得好優雅。由於MV內容探討價值觀，泳兒覺得自己好似動畫《玩轉腦朋友》嘅角色「阿驚」，佢話：「呢幾年不斷提醒自己要大膽啲，要同阿驚講bye bye，咁至可以喺台上揮灑自如。」

撰文：馮仁昭
from:http://hk.apple.nextmedia ... 160928/19783776

TOP

5^# 大中小 young 發表於 2016-10-23 17:46 發短消息

泳兒開騷直播換衫

泳兒為慶祝入行10周年，將會喺九展舉行音樂會，噚日佢喺中環舉行記者會，話係公司畀自己嘅驚喜，𠵱家積極排舞，張敬軒會借靚咪。泳兒話：「之前唱《擋不住的風情》，但會性感得嚟男性化，同埋會全男班外籍舞蹈員。」

今次泳兒仲會現場直播，驚唔驚影到走光？佢話：「本來打算入後台直播換衫，透明度高。」

撰文：馮仁昭
from:http://hk.apple.nextmedia ... 161006/19791981

TOP

6^# 大中小 young 發表於 2016-10-30 16:37 發短消息

泳兒直播騷為病母打氣

泳兒前晚舉行入行10周年演唱會，提到工作和家人，她都感觸落淚，但同時亦多謝公司10年來的照顧。去年泳兒母親突然腦中風，至今仍然留院，前晚演唱會在facebook有直播，泳兒對鏡頭向母親說︰「媽媽，呢度有好多人幫你打氣！」另外，前晚有份演出的外籍舞蹈員Milton Lopes，傳是與關淑怡鬧分手的男友，泳兒表示沒有問他相關傳聞，覺得是花邊新聞。
from:http://hk.apple.nextmedia ... 161029/19815470

TOP

7^# 大中小 young 發表於 2017-1-1 20:12 發短消息

泳兒孖男友旅行裸泳

泳兒噚日去到元朗為聖誕裝飾亮燈，今年聖誕將到上海登台，佢話一直有願望想到英國過聖誕，但短期內未必實行到。

嚟緊新年已經同公司請假，泳兒話：「我係低頭族機不離手，男友唔係咁鍾意，所以揀去旅行地方都要冇得上網，啱啱去咗泰國小島玩，我仲喺房試裸泳。」至於有冇乘機叫男友揸機影寫真，佢話冇但有幫男友影。

撰文：馮仁昭
from:http://hk.apple.nextmedia ... 161212/19862333

TOP