泳兒自爆「裸」照隨時曝光

歌手泳兒昨日到電視城錄影《勁歌金曲》時表示最近手機故障，未有刪除資料便拿去維修，問到是否有「唔見得光」的照片？她笑說：「有『裸』照！唔化妝嗰啲，同埋其他人嘅裸照，狗仔呀咁，唔係大家諗嗰啲，（素顏唔見得人？）殘殘哋咁囉！（有冇同男友親熱相？）都係可愛嘟嘴合照，唔可以曝光嘅唔喺手機，喺電腦！但我哋冇過火嘅。」

泳兒透露平日與男友拍下嘟嘴合照，不怕曝光。

同場的鄭俊弘（Fred）透露7月出新碟，稍後將拍唱片封套，問到會否騷肌？他說：「唔會，但我都有嘅，幾年前拍《學警》，當時有做運動。」

（左起）鄭俊弘、泳兒和羅孝勇昨日錄影《勁歌》，大晒唱功。

提到一起拍《商戰》的蕭正楠力追黃翠如而被指一腳踏兩船，Fred力撐他說：「相信每個人都有自己嘅原因，覺得佢係好男仔。」
from:http://orientaldaily.on.c ... /00282_022.html

靠一把靚聲出道的泳兒（Vincy），在樂壇打滾八年終於來個全新嘗試，推出首張Hi-Fi大碟，以翻唱經典情歌為主。自言性格傳統、保守的Vincy，最大挑戰是錄音時要化作為愛主動的女孩，又透露原來其性格亦影響到她的擇偶條件，更大爆男友的外形其實完全不是她那杯茶。

泳兒推出首張Hi-Fi碟，十首情歌都是她精挑細選。

首次推出Hi-Fi專輯《愛‧情歌》的Vincy，接受電台DJ李國能訪問時表示，全是因緣際會，她說：「因為上一張唱片有首翻唱劉若英嘅《後來》，出嚟反應好好，所以有信心今次做隻全翻唱碟，希望提升音樂層次，做隻好靚聲嘅Hi-Fi碟。」Vincy稱在揀歌過程中，從二百首歌內選出十首：「喺錄音室逐首試聽然後投票決定，最後先選出呢十首。」

十首歌全部以情歌為主，Vincy表示演唱時有相當難度：「好似主打歌《普通朋友》，新版本同陶喆版本有好大分別，我本身性格係比較被動，但首歌就要變成好主動嘅女仔。」自言思想傳統，即使現實生活中，亦不會主動出擊：「我覺得應該係男追女，唔係女追男，我係要慢慢培養感情嗰種人，比較慢熱，如果我唔識一個人好難有愛情感覺。」

泳兒表示欣賞男友為她整頭髮時的認真樣。

泳兒與李國能美食當前，急急舉筷。

由了解變為欣賞
談到現任男友亦是由日久生情開始，Vincy卻大爆原來初見男友時，對方的外形完全不屬於她杯茶：「我之前唔鍾意男仔留鬍鬚，覺得好污糟，而且有少少鹹濕。我鍾意男仔白淨皮膚好，又唔鍾意男仔長頭髮，所以初初識佢時，我覺得所有唔鍾意嘅嘢都喺晒佢度。」經過一段時間相處後，才慢慢對男友有好感，她說：「感情係慢慢儲番嚟，我哋成日一齊做嘢，日子耐咗了解到大家嘅個性，可以夾到，而且見到佢幫我整頭髮時好認真個樣，都好欣賞。」

髮型：Nick.L

化妝：Cyrus Lee

形象：Queenie Yu

服裝：Initialfashion
From:http://orientaldaily.on.c ... /00282_070.html

歌手泳兒昨為月底舉行的音樂會綵排，由於同時要為內地歌唱比賽揀歌，她坦言壓力甚大：「就嚟精神分裂，因為音樂會同歌唱比賽唱的歌曲風唔同，要同時練兩種唱腔。」提到演唱會門票在網上出現炒賣情況，她說：「啲飛免費認購，依家見網上炒到1000蚊，見到受歡迎都覺開心。但有啲較遠嘅fans都想睇，我惟有打畀啲朋友cut飛，等有更多飛畀歌迷。」

泳兒
From:http://orientaldaily.on.c ... /00282_058.html