房祖名幫拖 林孝賢溝掂Theresa
本週一出席電影《極速賽車手》首映時，春風滿面的Theresa 談到擇偶條件，表示對方要經濟獨立，唔可以容忍男友不事生產，睇嚟Lester 要勤力啲做嘢。
Theresa （傅穎）出道六年，除了太子爺蘇頌智Neal ，以及何韻詩一段同性緋聞，感情生活近乎零，去年轉Look 玩金髮性感人氣急升，被視為新一代𡃁界女神，連麗新集團主席林建岳長子林孝賢（Lester ）都搞掂！
雙方年前經朋友介紹下認識，為將Theresa 追到手，林孝賢開行Turbo ，隨傳隨到管接管送，更搵埋好友房祖名從中講好話，追足一年，終於得米。
日日SMS餅女解散，廿四歲的Theresa 獨立發展後，事業浮沉，直至去年轉形象行性感，戴「大眼仔」加一頭金髮，成功在𡃁界突圍！連麗新集團未來接棒人林孝賢都發力狂追。
現年廿七歲，家族擁有過百億的Lester 一向緋聞多多，先後同應采兒、阿嬌（鍾欣桐）等傳過緋聞，愛蒲的他，更經常與好友房祖名在夜店飲紅酒食雪茄溝女，典型富豪後代。
身邊從不缺女，不過戀情大多數維持幾個月，直至年前在朋友聚會中認識了Theresa ，林孝賢便集中火力，誓要追到手。「Lester 揀女朋友一定要夠靚夠young ，見到Theresa 梗係嗒糖啦，佢同屋企人關係好好，成日話做得佢女朋友其中一個條件係孝順，Theresa 正正係佢杯茶，識咗幾日，Lester 就日日sms 噓寒問暖，約食飯遊船河，乜花臣都出齊。」知情者透露。
林孝賢去年同
余寶珠拖住手出席活動，更公開說女友除了要夠靚夠young ，最重要孝順，難怪睇中一向孝順的Theresa 。
答應戒夜蒲林孝賢睇中Theresa 已是圈中公開秘密，男方除了廿四小時隨傳隨到，每次Theresa 出席朋友聚會，他都會神秘現身，追到出晒面之外，更叫齊身邊好友幫手講好說話。
「Lester 好識氹女仔，又捨得花錢，好似請女友去旅行，連女友嘅朋友嘅機票酒店都包埋，所以好多model 鍾意黐住佢玩；不過Theresa 就嫌佢花心多風流賬，Lester 見追咗成年都未成事，就搵祖名同其他朋友幫拖，每次見到Theresa ，都會喺佢面前唱好Lester 。」二人身邊好友透露。
為求追到手，林孝賢更答應Theresa 日後會減少夜蒲，就算他人不在港，亦會隔空發動攻勢，叫司機日日接送對方，幾個月前Theresa 患重感冒，當時身在內地公幹的Lester 一知道，第一時間買機票飛返香港，眼見對方的行動及誠意，近年感情生活一片空白的Theresa 感動非常，終於放下防線，二人正式撻喺！
撐完枱腳，二人齊齊離開餐廳，Theresa 將漁夫帽拉低，Lester 則顧住講電話，扮唔識。且刻意保持距離。
畫廊買畫上週四（五月一日）下午二時多，頭戴漁夫帽，一身便服的Theresa 現身位於尖沙咀新世界中心的Artlinks Asia 畫廊，曾經出過畫集的她行唔夠十分鐘，已睇中一幅價值兩萬多元的畫，又不停向店員查詢。近大半年廣告不斷，加上搵到個有米男友，即使畫廊中幅幅畫要幾萬元起，她一樣買得起有餘。
揀完畫，Theresa 即搭的士返回西環住所等男友接食飯，晚上八時，林孝賢坐喺七人豪華Van 接女友到蘭桂坊食意大利菜，由於蘭桂坊有不少狗仔隊出沒，二人選擇了較暗的角落位置，又不時周圍望，撐枱腳期間，林孝賢幾乎講個不停，引得Theresa 不時大笑。
二人食足兩個鐘，Theresa 步出餐廳時刻意將漁夫帽拉低，全程耷低頭，更與男友保持相隔幾個身位距離，急步登上男友七人豪華Van ，直駛西環寓所。
北京睇奧運熱戀期，二人幾乎日日見，Lester 更不避嫌與女友同場出現。早前Theresa 出席好友生日Party 時，同主人家素不相識的Lester 忽然現身，雖然有不少圈中人及記者在場，但林孝賢仍拉住Theresa 行埋一邊密密斟。
「嗰晚全場都見到Lester 嚟搵Theresa ，雖然佢唔識壽星女，但因為對方係Theresa 嘅好朋友，所以Lester 都同佢玩到癲晒。」
私人派對唔避忌，連公開場合都黐到實。本週一（五日）Theresa 出席《極速賽車手》首映禮，林孝賢又神秘現身後台，當時同屬金牌的梁漢文及蘇永康等人均在場，但Lester 眼中只有女友，完全當其他人透明。
「佢哋
緋聞不多的Theresa ，○六年在方力申介紹下認識Neal （右一），不過二人拍拖不夠一年便分手。
Lester 身邊女友如車輪轉，去年8月被影到與鬼妹女友睇K-1拳賽，雖然正力溝Theresa ，但仍不避嫌大方任影。
「九餅」出身的Theresa ，被淘汰得番四個女仔時作獨立發展，Stephy 最早彈出，Miki 同Theresa 去年先發功，近排狂接廣告的Theresa ，人氣仲勁過Stephy 。
百億接班人
現年27歲的林孝賢，是寰亞老闆兼麗新集團主席林建岳長子，03年在美國波士頓取得工商管理學學位後，即返港協助父親打理家族生意，現時是麗豐控股行政總裁，其家族資產估計超過150億，是城中出名好樣的富豪後代。
出身寒微
Theresa 在港出世後便被當廚師的父親送回家鄉福建阿爺屋企寄養直至三歲，當時家境清貧到連奶粉錢也沒有，要飲街市的豬骨水。年幼時住過木屋區，即使後來家境改善搬到五百呎西灣河，仍要一家五口逼在一張碌架床。捱苦多年，Theresa 加入娛樂圈後卻一直浮沉，直至去年改形象才成功翻身，又出書又出碟，收入大增之餘，人氣更蓋過同是金牌一姐Stephy （鄧麗欣）。
溝女王愛蒲愛玩的林孝賢，跟圈中人相熟，不時夥拍老友房祖名蒲夜店，身邊無數鬼妹模特兒氹氹轉外，亦跟不少女藝人傳過緋聞。
應采兒
04年跟應采兒夜蒲後遇上警察截查，涉嫌藏毒的應采兒被捕，兩人的親密關係因而曝光。
黃美妍
05年傳他跟有線電視Cat Girl 黃美妍拍拖，不過只維持數月便分手。
吳家欣
林孝賢06年在夜店認識模特兒吳家欣（Tanya ），拍拖未夠一年分手，Tanya 去年搭上張震，二人更被拍得在台灣溫泉區度假。
鍾欣桐
07年，阿嬌生日，當時力溝她的林孝賢突然現身。不過阿嬌不為所動，獨愛花心男陳冠希。
