森美大騷+18禁
做開歌劇團嘅森美上週五（25日）第一次開show 做棟篤笑，當然唔少得跳part 舞娛賓，唔係點夠大合唱林狗撼？
林狗（林海峰）開talkshow 愈做愈出位，同是商台DJ 的森美當然唔輸蝕，
聲霸地盤於上週五（25日），在九展Star Hall 舉行一連3場的《The Show Must Go Wrong 》棟篤笑。
不過森美明知自己目標觀眾係under18後生仔，於是成個talkshow 唔似林夠咁講家事講政治，反而集中講超爛gag ，一開場玩最*手嘅低能IQ 題，再加扮吓港姐笑吓Theresa （傅穎）假大眼，班嚫仔已經超滿足。
如果你投入唔到，表示你可能已經over18或者唔夠天真，可惜阿嬌冇份睇，否則佢應該笑得最開心。低能IQ 岩你玩1.26個字母中，邊個最易傷心？
2.李雲迪最怕係咩？
3.點解放煙花時彈唔到啲星星？
4.大口仔搽紅色唇膏係咩？
5.開咩車唔使錢？
6.有咩動物最蠢？答案：1.Z 因為「易sad 」
2.美源髮彩-冇得彈
3.因為星星識「閃」
4.Direction =大red 唇
5.夜車
6.羊，因為佢成日咩咩聲黐Q 線！（真實對白）
騎呢選港姐「咦！呢位佳麗（指住阮小儀）個盆景幾靚喎！乜名堂呀？」阮小儀：「叫魚與熊掌呀！」
森美開show 點少得阮小儀，睇佢頭上棵盆景已經搞鬼，不過最爆係Theresa ，好真情流露講「黐Q 線」先至震撼，事後Theresa 就話：「台詞啫，我都唔識講粗口嘅！」吓？唔明點解啲女人成日都要佢老公喺層樓加個名落去，唔通我搵塊膠片刻個名落層樓度，就有你份咩！
啲股票同鬼一樣，都係一隻隻喎，啲人成日話：「我隻嘢又跌落谷底，你幫我放咗隻嘢啦！」唔通隻股票係隻狗識走？
即call pizza森美現場即叫外賣pizza ，測試係咪真係可以45分鐘送到，查實森美綵排時已經叫過，位pizza 哥哥（右一）早有預備啦，佢仲好淡定咁同森美講：「多謝你$134呀！」
iPhone 假大眼iPhone hit 爆嚫界，森美當然唔放過，自製「愛．風」玩食國語音之餘，功能仲話「愛．風」新增「大眼功能」，Theresa 即變《長江7號》嘅7仔！我經營到今日全靠一個「字」，而呢個字就係「Technology 」。
而家每買一部「愛．風」仲送一隻白鴿畀大家，因為多數都係壞嘅，所以送定隻鴿畀你哋，可以飛鴿傳書。
部機有防潮裝置，唔係最潮嘅歌下載唔到，張偉文同梁雁翎唔得啦，譚詠麟好「抿」水，關菊英就掂啦！
無厘頭咪能森美做開DJ 日日用個咪同聽眾洗腦，於是森美就發明咗「咪能」呢個terms ，寸啲人要透過個咪先敢講出嚟之餘，仲話啲人成日透過個咪疲勞轟炸。
有觀眾上台大叫：「阿媽我愛你！」森美即說：「嘩！你真係咪能仔呀！」又到咗收小費嘅時候喇，我而家落車一陣，大家就傳小費啦！之後啲導遊再用咪大嗌啲小費好似唔多夠，我再落車一陣，大家記得畀足呀！
阿姐一句248號請到櫃面取，你就行過去。阿姐嗌咪：「糯米雞停呀！」你哋就好似世界末日咁。再嚟多句：「焗豬有番！」個個好似翻生咁。
湯碗32G我哋會將普通得幾G 嘅USB 記憶體，改用蔡依林嘅32G ，一個就夠用。
生動過林海峰森美talkshow 兩個鐘有歌聽有話劇睇，講嘢又岩晒後生仔，觀眾話睇得好開心，目標觀眾喺晒度，唔搵錢等幾時？難怪門口啲紀念品賣到斷晒市。
門口一件T 恤賣$180，用上測試色盲圖案，寓意「有啲嘢錯咗大家未必睇到！」好似好有深度，其實係慳腦汁之作。
阿金 16歲 學生
「我鍾意咗森美都有4年喇，之前我都有睇過林海峰嘅show ，但我覺得呢個生動啲，最鍾意港姐過part ，多咗跳舞唔錯。」
Jack 28歲 文員
「我好鍾意睇talk show ，黃子華、林海峰過啲都有睇過，今次略嫌內容唔夠深度咋。」撰文、採訪：羅鈺歡 攝影：潘冠恩
