劉美君極盡意淫
露出深溝嘅劉美君，將男舞蹈員嘅假長鼻放近嘴邊，表情挑逗，極盡三級意淫。
十幾年前，睇演唱會係一個老少咸宜嘅娛樂節目；不過近年嚟，演唱會愈嚟愈「色情」。好似上周六（19日）睇完劉美君嘅「大開色界」演唱會，媽咪姐真係覺得，演唱會都要好似電影咁，實行三級制。
媽咪姐唔係衛道之士，入得場睇劉美君，都預咗會有料到，尤其開場前，劉美君仲同媽咪姐講：「本來諗住今次欠落班嘉賓人情，點知綵排完之後，我覺得唔使還喇，我咁大個女都未試過咁蝕底呀！」事先張揚有嘢睇。不過，佢肯蝕底佢嘅事，演唱會就極盡意淫，好似睇科騷咁，台下有唔少師奶觀眾，同媽咪姐一樣睇到面紅耳赤，後面個師奶就話：「乜依家啲歌星搞成咁呀！」
搞完梁家輝小弟弟，劉美君又將雙峰壓落家輝塊面處，絕對只限成年人收睇。
劉美君嘅大膽演出，已為人父母嘅袁詠儀張智霖睇到眉頭緊皺。
觀眾買飛入場都係想聽好歌啫，製作人唔好捉錯用神，走火入魔！
