同你吟一吟
冇父性 鄭少秋當欣宜係草
影我啦，我靚仔嘅！
上星期六（四月十九日）晚，鄭少秋同官晶華所生嘅長女詠恩，為就讀嘅南島中學上橋做model ，相較個幾星期前（四月九日），欣宜為三萬蚊酬勞幫Longchamp 行騷，兩個都係自己親生骨肉，不過偏心秋官今次就帶埋老婆同細女詠曦全家出動。
雖然秋官死撐自己唔見影係欣宜冇通知佢。但究竟邊個係草？邊個係寶？唔使大契出馬，係人一眼睇得出。秋官全家出動為長女詠恩做model 打氣，記者圍住影相，官晶華表現抗拒，仲不時耷低頭搞相機避鏡頭。
避無可避，官晶華露出一副
樣，差在未報警。
十八歲嘅鄭詠恩行橋，表現淡定，老豆秋官仲讚佢有演藝天分。欣宜，小心呀！
當晚除咗秋官同官晶華個女上台，馬詩慧同王敏德長女曼喜亦係女模之一，佢仲搵埋身為專業model 嘅媽咪出馬做壓軸。
遺產未到手，炒菲傭炒司機嘅欣宜為三萬酬勞幫品牌做騷搵生活費，點知佢老豆仲講風涼話：「佢鍾意一個人……我得閒都會見吓佢。」慳嘅啦！
秋官一家咁齊整，現場記者當然對準狂閃，全程俾鏡頭捕住，相當唔高興嘅官晶華一時擰歪面，一時又嗱住部相機同細女研究，避得就避。
眼見老婆大人俾鏡頭圍剿，秋官即時幫口解圍：「佢怕醜，影我啦，我靚仔嘅！」撐女護妻，秋官對呢一頭要佢為口奔馳嘅家，仆心仆命，但對鄭欣宜……
鄧光榮所言非虛，欣宜有老豆等於冇老豆，有父若此，八珍係欣宜，就連結婚都唔話你知，彈開！
