]鄭少秋冇癮老竇

近排頻頻北上拍劇嘅鄭少秋，難得趁中秋，就專登帶埋老婆同大女鄭詠恩去IFC食飯。

本來一家人坐埋食飯應該好溫馨，不過媽咪姐全程就只係見到官晶華同阿女雞啄唔斷，反而秋官同出名反叛嘅詠恩冇乜交流。當秋官講嘢時，阿囡索性拎住部電話係咁發短訊，望都冇望吓老竇一眼。

埋完單，秋官俾咁啱路過嘅關寶慧拉實係咁傾偈，而官晶華兩母女懶得應酬，一支箭咁飆入舖頭試眼鏡。秋官全程似搭枱，呢個老竇認真唔易做！


秋官講嘢期間，阿囡鄭詠恩索性拎起個電話遮實塊面，當老竇冇到。


雖然秋官多次同關寶慧揮手講bye bye，不過關依然傾極唔願走
入到眼鏡舖，秋官同詠恩一個向左走，一個向右走，完全零交流！