李澤楷（右）：我出二億同你打！（設計對白）
楊受成（左）：幫我call 齊班律師！（設計對白）
梁洛施（中）：你哋慢慢打，我走先！（設計對白）
（《蘋果日報》圖片）
去年十一月搭上百億富豪李澤楷後，跟英皇尚有十三年約的梁洛施（Isabella ）開始推job 玩對抗，恃喺男友財力，去到盡！
上週二（三月十八日），她突然向傳媒發聲明還擊英皇，並強調自己未有入住貝沙灣獨立屋，充滿火藥味。之後Isabella 即離港，為到美國進修英文及電影作準備，當英皇透明。
事實上，發聲明還擊只屬第一擊，小小超為幫Isabella 回復自由，已喺手組成龐大律師團，並打算花二億幫女友打官司；而英皇方面亦紮行馬，請來御用資深大律師清洪迎戰，戰事一觸即發！沉默近半個月的梁洛施，上週出聲明還擊，反駁英皇的言論，並非全為事實。
發聲明還擊十九歲的Isabella 搭上四十一歲的富貴李澤楷後，旋即引起全城哄動，英皇於三月十二日發聲明，否認外界指英皇曾干預Isabella 到澳門探外公；之後（三月十八日），Isabella 打破沉默，發炮還擊！
聲明指出英皇在三月十二日所發的聲明並非全為事實，又澄清自己只曾租住貝沙灣一單位，並非外傳住獨立屋，她更已於去年七月搬出。
聲明內容雖對李澤楷隻字不提，不過在背後做軍師、支持女友向外發展的小小超，已開始部署做嘢。英皇一直落力栽培梁洛施，○四年更豪花百萬為當時只有十五歲的Isabella 舉行簽約記者會。
龐大律師團據Isabella 身邊人透露，由於英皇講明唔放人，加上小小超接納律師團意見，認為Isabella 當年所簽合約有漏洞，所以決意花巨額打官司而不考慮同英皇和談。
「佢（李澤楷）已經搵咗一team 律師幫Isabella 打官司，嘅律師睇過份約，認為當年Isabella 簽約時得十二歲，份約係佢媽咪簽嘅，內容亦有好多灰色地帶，佢哋覺得唔需要用錢贖身都有機會贏，所以選擇打官司。」知情者說。
Isabella 當年與英皇簽下十五年賣身契，到十七歲時一度因反叛而被雪藏，為了解凍，她又主動向公司提出再加簽五年，換言之仍有十三年約在身；官司一旦展開，隨時拖三、五、七年，小小超更決定一邊打官司，一邊幫女友接job ，當英皇無到！
「其實最大張牌就係Isabella 本人，如果真係打到上庭，佢就要將自己由簽英皇開始所遭遇嘅一切講晒出嚟。」知情者說。資深大律師清洪（左）與楊受成私交甚篤，今次英皇與李澤楷打官司，他必為老友打到底。
爭到底對方大石責死蟹，英皇亦早有準備，搵來御用資深大律師清洪對撼！
「雖然Isabella 唔念公司當年點栽培佢，但Mani 佢哋一直仲希望佢會回頭，所以點都唔肯放手；英皇一樣有搵律師重新睇過份合約，話份約絕對合法合理，總之對方要打官司，佢哋會奉陪到底。」Isabella 自搭上李澤楷後，即時變為上等人，上月尾便被雜誌影到孖住母親到ifc 名店「BV 」掃貨，仲用黑咭找數，夠晒豪！（《忽然1周》圖片）
同李澤楷拍拖三年的混血兒女友羅愛欣（Rachel ）最近亦反擊，高調向傳媒暗示與小小超仍未甩拖。
飛美國進修由於解約問題仍未有新進展，小小超早前便鼓勵只有中四學歷的Isabella 到外地進修英文及電影，學做上等人。
「Richard 安排咗Isabella 去美國讀英文，要去荷李活發展，一定要講好嘅英文。Isabella 已經同媽咪一齊飛咗，諗住會先逗留三個月，如果適應到就會讀埋電影課程。」知情者說。
小小超同Isabella 打得火熱，但有指李嘉誠對此極表不滿，為了勸服李澤楷斬纜，甚至請來其子最尊重的uncle 李鵬飛做說客，不過小小超依舊我行我素。
話你知對於梁洛施十二歲時由母親與英皇簽下十五年長約，至十七歲再由梁洛施本人加簽五年合約，黃國桐律師認為由母親所簽訂的合約，一定有法律效用。至於十七歲所加簽的合約，就要視乎當事人簽約時是否神智不清，抑或在非自願情況下簽約。「另外要睇份合約，對佢係咪有好處，即使想申請法律無效，都要睇對方以咩原因去反駁！」黃國桐律師說。
若然要履行非合約內容的事，可否作為申請理據？「唔係合約嘅內容，可以唔做，做咗即係agree 咗，咁仲點成為理由！」撰文、攝影：娛樂組
