楊秀惠嗱過馬來西亞小姐冠軍，之後參選04年華裔小姐，雖然廣東話唔正，但勝在大個女唔怕騷「哥利」，出道3年已躋身TVB 上位姐仔行列。
事業運佳，桃花亦暢旺，早前楊秀惠同孫耀威拍《分手公司》音樂電影傳撻著，仲被踢爆於何文田共築愛巢，雖然緋聞男女年紀相差12年，但楊秀惠反而勁buy ，甜笑講擇偶條件：「我鍾意俾成熟男人照顧。」
口甜舌滑，難怪老孫飛唔出你五指山。
MV 撻著
楊秀惠經朋友介紹認識孫耀威，有傳兩人去年10月拍男方《分手公司》音樂電影而撻著。
問錯運程
本身肖鼠的楊秀惠（右）早排做賀年節目，忽然主動問李丞責有關肖牛朋友的鼠年運程，可能楊誤以為73年1月3日出生的孫耀威屬牛而擺烏龍。實質孫耀威生日係未過立春，其實都係屬鼠，阿妹你收錯料啦！
夜蒲前後腳
傳出同孫耀威拍拖，雖然楊秀惠默認，但孫耀威一直死口唔認，但就暗中密會蒲吧，最近本刊又發現孫耀威與楊秀惠於中環蘭桂坊現身，不過楊秀惠就帶埋老友胡定欣做擋箭牌，蒲吧時更前後腳，夠晒防備。
人肉擋
記者上月發現楊秀惠與孫耀威同時出現蘭桂坊，未入酒吧前，楊秀惠就黐住老友胡定欣響條街度孖住行，唔知以為佢哋孖公仔。
隔丈行
轉個頭就見到孫耀威離佢哋十個身位，當晚老孫著住件mastermind JAPAN 外套熟口熟面，原來係佢拍TVB 《綵燈璀璨耀沙田》節目時亮相過。
安全黐
之後入到AL's Diner 酒吧里面，先敢行近距離，老孫對住佳人仲掛住低頭玩電腦。楊秀惠被問到同老孫拍拖夜蒲，佢竟然話：「我淨係約咗胡定欣，唔知佢（孫耀威）響度㗎，哎唷，乜咁啱嘅！」企響你隔籬都睇唔到？離奇！
過埋今年7月才24歲，擁有33C 上圍的楊秀惠，緋聞兩隻手指數得晒，上年10月跟孫耀威合演《分手公司》音樂電影，忽然擦出忘年火花，有愛情滋潤，楊秀惠更唔避嫌笑住口大談戀愛經。
讚老孫靚仔
老孫大自己12年，不過楊秀惠就話fit 晒佢：「曾經同自己年紀差唔多嘅男仔拍拖，但當時係我照顧佢，好辛苦囉，而家我鍾意俾成熟男人照顧，起碼生活會好啲。其實孫耀威都ok 㗎，佢講得笑，又靚仔，最重要係佢夠成熟嘛！不過佢專唔專一就唔知。」
早前楊秀惠被踢爆與孫耀威於何文田豪宅雅麗居共築愛巢，仲一架寶馬兩份揸，雖然楊秀惠直言老孫合晒要求，但明拍拖又死口唔認一向都係藝人作風，難怪楊秀惠話：「車係我老豆送㗎，可能孫耀威之前揸過同一型號，啲人咪以為同一架車囉。同埋我哋係住同一座大廈，唔係同一個單位囉。」佢哋真係太多巧合啦！
緋聞助事業
近排跟孫耀威的緋聞煲得興烚烚，反而增強了楊秀惠的工作運，剛做完《野蠻奶奶大戰戈師奶》的狐狸精Tina 後，家陣又拍住佘詩曼響《法政先鋒Ⅱ》中扮CID 做第二女主角，加上楊秀惠平時出show 賣吓身材冇走雞，街外騷如珠寶首飾商及最近情人節婚紗展等亦排住隊請佢，法拉今鋪遇到對手呀！
上週五（22日）晚，著住件約$1,500蚊Neighborhood 恤衫的孫耀威，帶埋助手到德福商場嘅宜家傢俬買雜物櫃，當記者問佢點解唔同楊秀惠一齊嚟揀時，老孫即冷笑：「哈！黐線㗎！」明嘅，老孫35歲都仲係偶像派，戀情梗係低調啲好啦！
捱得女友
除咗少少性感冇詐型外，其實楊秀惠都好專業，唔著鞋影相不幸被玻璃𠝹傷腳，流晒血都全程死忍冇出聲，咁捱得，難怪深得老孫歡心。
照dup 法拉
04年華姐出身的楊秀惠，初初做親都係啲純情天真妹角色，形象好可惜冇乜人記得，至近年見法拉做狐狸做到入晒屋，楊秀惠都唔執輸獲派好籌，響《野蠻奶奶大戰戈師奶》中騷吓身材做全攻型狐狸，不過追唔追得上法拉變新咪精，就要睇佢嘅功力啦！
咪精鬥跳
響去年嘅《香港先生選舉》中，楊秀惠獲派同陳法拉一齊表演肚皮舞，正式打造性感血路，兩位新咪精同場較量。
狐狸掌門
陳法拉響《師奶兵團》飾演熱情有錢女，搶葉童老公，入屋之後再拍《溏心》洗底成功。
狐狸師妹
而楊秀惠亦唔輸蝕，響《野蠻奶奶》入面主動咀咀黃宗澤擺明拆散佢同肥杏，連角色都係有錢大小姐，又會咁似嘅！
最近網友在網上討論區開咗個「陳法拉Vs 楊秀惠邊個靚啲」嘅主題，可見網民心目中，楊秀惠同法拉一樣咁索。
愈戰愈勇
TVB 旗下藝人拍拖最緊要有宣傳效力，好似胡杏兒同黃宗澤係最佳例子，所以楊秀惠傳出同孫耀威拍拖，無線唔打壓不特止，仲頻頻幫佢接劇接job ，話晒佢有緋聞曝光，人氣升直接同公司搵錢啫。
望一線
緋聞傳出，楊秀惠工作量仍然keep 住有，07年11月拍《法政先鋒Ⅱ》就拍住阿佘做CID ，同型男高鈞賢有感情線，當然唔少得著泳裝晒身材，畀足機會佢。
小騷后
雖然《野蠻奶奶》主角唔係楊秀惠，但佢個色誘黃宗澤嘅狐狸精角色，就夠晒話題性，之後仲幫Puma 等品牌行show ，08年1月連接4個job ，開始變新紮show 后。
大導冧
今年2月無線搞聯歡晚宴，當晚楊秀惠仲吸引埋熟佬晶哥埋身搭香肩，不過事後王晶就好小心話：「佢係一個好出色嘅藝員，其他我唔清楚啦！」
23歲楊秀惠，擁有5呎9吋模特兒高度，又有33C 有料上圍，著起低胸裝特別eye catching ，難怪佢自信話：「我咁靚，性感啲都冇所謂。」
