著數優惠交流網 » 股票、地產討論區 » 執平貨唔係人人得

[資訊分享] 執平貨唔係人人得

1^# 大中小 GM2007 (IP: x.237.154.x) 發表於 2008-1-24 07:48 發短消息只看該作者

相關主題: 平貨

散戶彈藥少惟有買輪
市場上充斥「依家抵買」呢種講法，都，不過只係對部分人講。如果你一直都無郁手，依家諗落注都差唔多。好可惜，好多股友本身都有貨，而且都仲未回到本，因為指數升唔代表隻隻股票都升，手上貨仲未沽得，惟有等下去，所以呢個位都唔係人人可以買貨。

以依家形勢，窩輪將會愈來愈多股友炒。因為手上有貨等返家鄉，搞到無咩錢買，卻又想分享呢次反彈升勢，就只好買輪。聽魚缸好友話，好多積極股友昨日都係咁跟中移（0941）CALL 輪、國指及指CALL ，貪佢跟到大市升幅。

買過窩輪朋友都明白，要輪價爆升，必須有個反彈位，一轉向反彈輪價就會跟住爆上。但希望細細注跟窩輪股友，要小心遇上呢種升幅不足不利局面，尤其是一昨日已經升到好凸的窩輪，隨時因為升凸而唔郁，再跟要小心。

升番咁多，依家至諗買正股好似好傻。但經過呢幾個浪之後，發覺向上溝才是道理，有唔少股票價錢比較高位仍跌唔少，如果升勢持續，與其買已經「蘇州過後」窩輪，不如諗向上溝。