下載PDA版我的意見
敏妮Talk ：買樓唔好同人爭
敏妮有個朋友08年願望係結婚生仔，由於佢差唔多每年換一個女友，所以其他友儕對佢呢個願望，只係一笑置之。不過，敏妮都有嘅比較踏實嘅朋友，好似舊同學F 咁，好想成家立室，搵女朋友完全係「目標為本」，「目標」就係結婚！前幾日敏妮收到佢電話問：「家陣好唔好買樓？」原來佢已經達到「目標」。
未到頂可入市家陣好唔好買樓？光頭仔話：「如果係自住，只要計過數，可以供得起，幾時買都冇問題。」
敏妮同意光頭仔嘅諗法，但樓市近半年升得好急，雖然敏妮相信樓市仲未瘋狂，真係要入市，應該仲有水位，用嚟炒，贏面好大；但用嚟自住，又唔係俾人迫遷，使唔使咁急入市呢？
光頭仔嘅意見係，你永遠唔知邊度係頂、乜嘢時候個市會跌，亦唔知往後嘅低位會唔會低過而家，加上家陣銀行按揭息率（P ）仲係低於最優惠利率，同97年P 仲要加幾厘情況有別，成日諗住見頂，到個市跌時又想撈底，永遠都買唔到樓。
的確，就好似敏妮嘅愛股
隆地產（101）咁，越升越唔敢買，到佢跌時又驚會再跌，結果買唔到；直至近排，即使
隆地產跟住股市跌，但個低位比敏妮想買嗰時個價，仍然高出好多。
問題係，點解97年咁多人蜂擁入市高追？除咗因為有人驚追唔切樓價升幅，買唔到樓；亦有人會諗，唔知樓市幾時先係頂？樓市幾時會跌？跌幾多？如果樓市一直唔跌，又或者升得多但跌少少，咁點算？
自己住唔使急敏妮唔敢話歷史一定會重演，而且香港物業長線一定升值。問題係今日去買樓，要面對業主隨時封盤、反價，甚至冇盤畀你睇嘅情況，真係買嚟自己住，唔使同人爭啫！
(
溫敏妮)
