敏妮Talk ：
豐值博率高
敏妮個blog 自從改咗網址，大家可以再次post 意見上去後，又再熱鬧番，當然唔同網友有唔同意見，敏妮睇番各位朋友留言，當中有善意提點，亦有嚴厲責罵，不過，對於敏妮嚟講，任何批評都係敏妮嘅bonus ，因為你唔睇過敏妮Talk ，又唔上敏妮blog 度留言，敏妮又點會收到你哋嘅提點呢。
長揸要睇回報就好似上個禮拜，敏妮講開
豐（005）受次按問題拖累股價，如果想趁低吸納，可以利用ELI 。即使
豐跌到100蚊，甚至更低，但到時
豐嘅股息率就會變得更吸引。有位網友提到，如果
豐受次按問題困擾，可能唔會再派發同以前一樣嘅股息。同意！花旗就係因為次按問題拖累，所以大幅削減季度股息四成，至每股0.32美元。
次按對
豐影響有幾大仲未知，假如
豐好似花旗咁大幅減股息四成，由舊年末期息0.36美元，減到0.216美元，喺100蚊接貨嘅投資者，股息率仍然有5.7厘。以長線投資嚟講，呢個回報率算唔錯啦。
至於有另一網友提到，由於投資ELI 變相係沽出認沽期權，最後有接實貨嘅風險，當股價大跌，投資者蒙受嘅損失，並唔係收到嘅高息可以cover 。理論上確實如是，但
豐係一隻公認藍籌中嘅藍籌股，常理嚟講，唔會差到好似三四線炒股咁跌到渣都冇。加上以長揸計，投資回報有5厘幾，算唔錯。
投資講值博率再講，投資股票當然要定止蝕價，高息可唔可以cover 股價下跌嘅損失，就視乎你set 嘅止蝕價。其實任何投資都有風險，衡量是否參與，敏妮會睇值博率，贏面大嘅咪落注囉，當然每個人嘅風險承受能力都有唔同，敏妮都係想提供一個建議啫。
(
溫敏妮)
