敏妮Talk ：低位撈 豐有計 (溫敏妮)

下載PDA版我的意見

敏妮Talk ：低位撈豐有計

噚日港股大跌千幾點，豐（005）跌穿120蚊，有朋友好擔心打電話嚟話：「敏妮你好似揸住豐喎！」睇開呢個欄嘅朋友，都應該知道敏妮好幾年前開始月供豐，一直只係儲冇賣過。由於嘅豐股票係敏妮月供番嚟嘅，所以touch wood ，每股成本仲係低過噚日嘅低位。

買入價太低驚走寶其實豐跌咗咁多，個yield （股息率）已經去到5.8厘，長遠作為收息計，算好吸引，問題係現價買驚佢再跌，set 個合理而又比較進取嘅低價，又驚佢唔到價就掉頭回升，搞到走寶，敏妮於是走去問光頭仔有冇豐ELI 。所謂ELI （Equity Linked Investments ）即係股票掛投資，結構對一般人嚟講比較複雜，但作為投資者，最重要係識原理、點玩，同風險。
就以豐ELI 為例，原理係投資者透過沽出認購期權，而收到高息，講緊嘅高息有成十幾厘；但由於沽出咗認購期權，如果豐跌穿協定啲行使價，就要接貨。投資者最大風險係接咗豐實貨後，豐越跌越有。

股息率高唔怕坐艇噚日豐收115蚊，照計穿110蚊應該唔難，只係敏妮想進取嘅，100蚊先買，但又驚佢101蚊就見底，咁敏妮就會揀隻行使價100蚊嘅ELI ，如果豐真係未到100蚊就反彈，敏妮可以收高息；如果真係咁差，最多就100蚊接貨，反正唔買ELI ，敏妮都諗住100蚊買豐，嗰時嘅股息率已經去到6厘幾，真係要再跌，敏妮坐艇都坐得好舒服。
不過，敏妮噚日睇過生銀行出嘅豐ELI ，行使價最低嗰隻都只係112蚊，噚日豐最低見過114.2蚊，睇怕今日你睇敏妮呢個欄時，豐可能已到112蚊，真係要買豐ELI ，就要問銀行，因為銀行會為客人度身訂做ELI 。