在剛過去的兩個樂壇頒獎禮上，楊千嬅成績差強人意，《勁爆》被宿敵容祖兒攃住嚟打、《叱吒》就只得個「我最喜愛女歌手」安慰獎。
儘管事業失意，但無礙千嬅的靚靚心情，皆因有花心嫩少丁子高呵番！早前有周刊拍下千嬅上門與丁子高嘆情慾火鍋，久旱千嬅難得有愛情滋潤，難怪成日陰陰嘴笑啦！
去年十月，丁子高高調捧楊千嬅演唱會，還連捧五場，正印男友地位曝光。演唱會後，千嬅被指與丁子高赴日十天遊，雖然千嬅父母及好友都唔多鍾意record 花晒的花弗男丁子高，但七年冇拖拍的千嬅卻一於好少理，全情投入「千丁戀」。上個月28日黃昏，千嬅被傳媒拍下獨自到IFC 的city掇uper 內的牛肉櫃位，挑選日本牛肉及清酒，並飛車到丁子高跑馬地寓所，見家長兼開火鍋大餐。
去年千嬅開了個《All about love 》演唱會，雖然外界一致覺得千嬅的唱功進步不少，但年尾的頒獎禮，卻被勁敵容祖兒遠遠拋離。《勁爆》分了三舊豬肉獎、《叱吒》得一個「我最喜愛女歌手」的安慰獎，奇怪是屬進取型的千嬅落得如此成績，卻無損心情，見人就甜絲絲笑，情場得意的她變了另一個人。
回應緋聞亂龍
31日晚，千嬅出席港台的《十優》活動時，未待記者發問，已忍唔住不停笑說：「我俾朋友笑咗成日！」記者問到千嬅過夜打邊爐時，她承認有到男方家，但只係聖誕聚會，屬正常社交活動，「我冇過夜，對報道唔介懷，但我就好介意佢話我35歲，我34歲都未到呀！」記者再追問翌日被拍下她的座駕由丁家開出，她竟九唔搭八話：「係我架車，但係兩件事嚟！（有冇機會發展呀？）依家我係合約歌手，時間同工作都唔容許我對任何事有發展空間。（若有時間呢？）好多事都需要時間去觀察同感受。（有冇同丁子高講依家未有時間發展？）暫時唔需要同佢交代。（依家你哋係咩階段朋友？）係唔壞感覺嘅朋友。（仲上唔上男方家？）正常社交，依家報道出咗，阿媽睇完都冇咁驚，以前分分鐘寫我性格上有缺陷、思想上有抑鬱，哈哈！」
活動後，千嬅雖然未有會合男友迎2008，卻趕到老闆林建岳在麗嘉酒店的倒數party ，千嬅落車一見人就笑，與岳少狂歡到凌晨兩點半才離去。1月1日《叱吒頒獎禮》，千嬅坐了成晚冷板櫈，在臨近尾聲時，至有一個「我最喜愛女歌手」獎，雖然成績唔多好，不過千嬅在慶功宴上一點愁緒都冇，唔係整蠱許志安就係搵林夕傾偈隊酒。啱嘅！天寒地凍攬住個人，總好過攬住啲獎。千嬅搵到人生的喜悅，有冇獎都開心啦！
林海峰寸爆Stephy 劉華
《叱吒頒獎禮》賽果沒出人意外，整個騷最精采都係林海峰上台搞棟篤笑，他先揶揄有鄧走音之稱的鄧麗欣，然後再話劉華演唱會冇飛俾老竇，要俾雷劈！
起初林海峰問Eason 同古巨基有冇試過走音，叫大家俾機會Stephy ，問佢幾時可以克服走音嘅困難，台下嘅Stephy 立即點頭答：「依家！」點知林再問：「幾時？2012得唔得？2012唔得，2017，不過都係爭取2012先！」台下嘅Stephy 被林寸到以笑遮醜。
林海峰話有史以來都未聽過演唱會未開售就話賣晒飛，劉華係第一個，「連劉德華都話佢老竇問佢都冇飛，老竇問都話冇飛？唔怪得佢開演唱會俾雷劈啦！」此話一出，令全場觀眾拍爛手掌。
祖兒熱情 Eason 吃不消
台下錫到慶功
骨感雙嬌
去年十月，丁子高（左）在千嬅演唱會上，被安排與千嬅父母（右一二）坐同一行，可惜楊父母與這位花心大少連招呼都冇打，互當透明。
《叱吒》fing 旗
1月1日晚，千嬅入場時揮動著《叱吒》的旗仔，心情high 爆進場。
勁爆笑住唱
雖然勁爆當晚千嬅明顯落後容祖兒，但在台上唱哀怨歌〈化〉時，竟甜絲絲笑，有愛情滋潤真係唔同！
千嬅被周刊拍下到緋聞男友丁子高寓所過夜兼擦火鍋。
