無線姐仔唐寧，自從03年前捲入有婦之夫歐錦棠婚姻後，多年來一直感情空白。直至今年初，有周刊指她與rapper 二人組「農夫」的成員陸永拍拖，但兩人拒認緋聞，只承認是青梅竹馬的朋友。
實事上，童星出身的唐寧，一直鍾情熟男。今年年中，26歲的她參演舞台劇《爆谷殺人王》時，便與比她大13年的導演鄧偉傑撻著，兩人拍拖兩個多月便在大埔村屋共賦同居。鄧不但在舞台劇界甚吃得開，更曾與韓國女星Claire 拍拖達六年之久。
一向黐家的唐寧，原本與家人住在大埔新屋家村，直至今年6月綵排舞台劇《爆谷殺人王》，邂逅導演鄧偉傑，兩人旋即打得火熱。兩個月前她更毅然搬出來，在屋企附近的黃魚灘村租住7百呎村屋，與男友共賦同居。
拍舞台劇撻著
據《爆》劇演員透露︰「唐寧同導演好夾，睇得出個女嘅好崇拜個男嘅。佢哋排戲時已經眉來眼去，導演好好心機教佢（唐寧）做戲。佢兩個成日坐埋一邊吱吱噚，每次排完戲，唐寧都係坐導演架車走，明眼人一睇就知佢哋拍拖啦。」據知，唐寧除了欣賞男友才華外，更愛對方有愛心，已經養咗4隻狗嘅唐寧，曾在訪問中講過︰「要有資格做我男友，一定要有愛心，如果唔鍾意動物一定冇得傾。」
本刊連日追訪，發覺兩人的生活十分深閨，鄧除了陪女友返外家外，佢哋大部分時間都不會外出。不過唐寧有4隻狗留在舊居，所以隔日佢哋便會探狗一次，就算12月初唐寧到北京宣傳處女唱碟《邀月唱》，鄧一樣隔日去探狗，可見他愛屋及烏。
戀韓國女星
另一位熟悉鄧偉傑嘅行內人話︰「小豬（鄧偉傑暱稱）係個感情好豐富嘅人，之前佢去韓國發展，做咗6年咁耐，無非都係因為嗰邊有個韓國女友。聽講話係個女仔移情別戀，搞到佢成個頹晒，所以離開韓國呢個傷心地，返香港重新嚟過。」
05年尾，鄧偉傑接受雜誌訪問時，對這段情直認不諱，更指當年因在韓國演舞台劇《胎》邂逅韓國女星，離開了收入穩定的劇團，孤身在韓國打天下︰「要不是認識她，我一定不會take 這個offer 。」不過鄧在韓國發展不順利，收入不穩定，所以06年他決定回港發展，幸好得到高志森賞識，舞台劇一齣接一齣，加上他在演藝學院教書，保守估計他平均月入約5、6萬。
被踢爆與男友同居後，唐寧對戀情死口唔認，並指鄧只是「普通朋友」，而鄧則採避字訣，連自己的舞台劇記招都唔出現。
焦媛扮唔知
本月19日，由鄧偉傑執導的《陰道獨白》舉行記招，劇中女主角羅冠蘭大讚鄧導演︰「導演好細心㗎，有時我好忟憎，佢會走嚟問我係咪M 到。」焦媛亦接住話︰「係呀！同佢（鄧偉傑）講女性話題時絕對冇尷尬，佢都有女朋友啦！（你同導演好熟？）係呀！我係佢徒弟，合作過好多次。（咁知唔知佢同唐寧拍拖？）唔……唔知呀！哎呀，唔好意思，我哋趕住排戲，訪問到此為止啦。」擺到明幫鄧擋駕。
4月失眠醉酒
（備註：黃色字為本刊翻譯）
9月心情靚爆
鍾情熟男
唐寧入行17年，緋聞不多，除了近年煲水緋聞男友吳卓羲及陸永，其餘都是熟男。
鍾國強
02年，唐寧被傳與當時47歲的無線編導鍾國強共賦同居，事後女方澄清：「我去佢屋企純粹探狗，借佢車因為我係新牌仔，無人夠膽借車俾我用！」
歐錦棠
03年，當時20歲的唐寧，因與38歲已婚的歐錦棠合拍劇集《牛郎織女》傳出緋聞，之後更屢次被拍得二人夜會照片，事後她稱只是師徒關係。
靠三級上位
鄧偉傑今年39歲，89年畢業於演藝學院，與呂頌賢及莫家堯是同班同學。當年，名經理人陳自強本想把他羅致旗下，但鄧卻選擇了到法國迪士尼當演員，其後再到英國進修導演課程，曾在無線海外電視台做剪片、寫稿同配音。00年去韓國發展，去年才回流返港，並在演藝學院任教。
返港短短兩年，他先後執導過的舞台劇有《誘心人》、《陰道獨白》、《爆谷殺人王》、《同窗密友》及《窺心事》等，其中以《誘心人》及《陰道獨白》迴響最大。《陰道》劇中有不少三級對白及粗口，內容探討性題材。
11月28日︰前後腳出入愛巢
唐寧雖然與鄧偉傑同居，但二人頗為避忌，甚少一齊出門口。而每次出入，二人都左望右望，非常小心。
二人愛巢位於三樓連天台單位，月租約5千。連日觀察，露台的鐵閘長期關上，窗簾亦從未開過，看來是怕被偷拍。
近日唐寧被雜誌踢爆與導演同居，緋聞男友陸永回應時說：「我哋只係朋友，已經三、四個月冇見！」《Face 》圖片
