破產重生一周年，阿B 鍾鎮濤大有搞作。上週一（17日）處男自傳《麥當勞道》面世，書中阿B 唔單止數臭前妻章小蕙（Teresa ）疏於照顧仔女，更翻舊賬揭前妻當年與「白頭陳」陳曜旻的曖昧情史，句句入肉。
再被前夫擺上枱，隱居美國的章小蕙一直封口。但最近Teresa 的閨中密友、商台DJ 盧覓雪（Michelle ）見阿B 踩埋身，終於忍唔住挺身代友抱不平，盧覓雪話：「佢哋（阿B 與范姜）猛向一對仔女打毒針，搞到Teresa 3年冇見過個女，講起都一殼眼淚。」
阿B 在自傳中，狂數前妻章小蕙刻薄一對仔女鍾嘉浚和鍾嘉晴，「阿仔，雪櫃有雪糕，自己拿來吃當晚餐吧。」又爆女兒嘉晴被章小蕙搞到長期不開心，靠吃朱古力發洩。
最新圖片
44歲Teresa 同外籍銀行家男友Jared 分手後，最近在L.A.識咗個有米又靚仔嘅地產界男友，有愛情滋潤，難怪佢最近咁容光煥發。
成功減咗30磅嘅商台名嘴盧覓雪，最近見章小蕙被前夫鍾鎮濤出書數臭，即挺身代好姊妹出頭，認真有義氣。
阿B 夫妻打毒針
明過前妻一棟，阿B 還理直氣壯說：「今次唔係爆私隱，係想寫啲嘢留念。」
盧覓雪睇過書後，指阿B 明屈章小蕙。「有次Teresa 響台灣返港被成班記者圍住，我見佢拎住一袋袋科學麵（即食麵），原來係畀BonBon （嘉浚）。年頭我去美國探佢，事前佢已打定電話叫我帶6大盒Royce 朱古力，因為Bon Bon 鍾意食。我唔敢講佢係百分百好媽咪，但佢有做足正常媽媽本分。」雖然被前夫狂插，但章小蕙一直封嘴。盧覓雪話：「佢知有人博宣傳。」
章小蕙唔肯跟前夫互數，但就私下向好友訴苦。盧說章小蕙自從05年8月移居洛杉磯，就只有在當地留學的鍾嘉浚跟她同住，跟女兒嘉晴一直冇見面。盧覓雪反擊有人不斷向嘉晴打毒針。「佢每次打去搵女，佢兩公婆都會不斷叫個女收線，搞到嘉晴唔想見Teresa 。」
自傳中，阿B 自爆同陳秋霞、樂易玲、恬妞、鄧麗君及章小蕙嘅5段情史，但除咗前妻，個個都做得成朋友。
親媽咪
Teresa 同阿B 97年離婚，一對子女由二人共同撫養，直至05年Teresa 移民美國，嘉晴便跟阿B 同范姜住。00年，當年只得5歲嘅嘉晴仍好黐章小蕙。
黐後母
兩年前嘉晴跟阿B 及後母范姜同住後，阿B 仲幫個女由嘉湄改名做嘉晴。上週三嘉晴就孖住繼母范姜一齊去跑馬地買花，感情要好。
去年元旦，阿B 帶埋細女鍾懿（左一）、大仔鍾嘉浚（中）、范姜及二女鍾嘉晴（右）參加倒數派對。只見嘉晴拖住范姜好鬼friend ，但一直同Teresa 同住嘅嘉浚，冇媽咪在場就苦口苦面。
仔仔越洋求救
Teresa 跟已12歲的嘉晴現在已恍如陌路人，但阿B 亦不見得做足一百分。
據一名資深記者透露，01年10月，Teresa 幫一本雜誌去米蘭做時裝專輯，忽然接到Bon Bon 來電，話有個好緊要嘅exam ，但阿B 同范姜訓到死豬冇人帶他返學。Teresa 好緊張，吩咐菲傭一定要嗌醒阿B ，之後仲叫嘉浚考好個試。
上週五（22日）記者致電在美國的章小蕙，她以忙於考試為由，拒絕回應。
自傳中，阿B 話試過坐響廳中，睇住Teresa 同任職編輯好友（盧覓雪），嗱住佢同陳曜旻響巴黎的「偷食」相炫耀，但盧覓雪反駁：「當時我哋係響房內傾心事，咁都知我哋傾乜，除非佢（阿B ）響房外偷聽啦！」
FACE 請人
娛樂記者/ 編輯
‧大專程度，中英文良好、普通話流利優先。
‧有責任感、正義感，刻苦耐勞。
‧六天工作，需不定時工作和出差，能承受壓力。
‧有採訪經驗優先，編輯需有四年以上採訪經驗。
資料搜集員（娛樂）
‧負責娛樂新聞資料搜集，如公司、物業查冊等。
‧大專畢業，中英文流利，開朗健談。
‧熟悉娛樂及名人新聞，有好奇心、有獨立分析力。
‧肯拼搏，上班時間不定。
‧每週六天工作。
受聘者可享有每年13個月糧、有薪年假及醫療保險等福利。有意者請將履歷及要求待遇，寄香港將軍澳工業村西駿盈街8號《FACE 》編輯部收，或將履歷傳真至26239389；或電郵至mailto:wstang@nextmedia.com ，來信請註明「娛樂記者/ 編輯」（娛樂）或「資料搜集員」（娛樂）。
跟已經17歲的大仔Bon Bon 定居美國洛杉磯嘅章小蕙，已嗱咗綠咭，最近更響Stella Adler Conservatory 學院修讀戲劇，做羅拔迪尼路同馬龍白蘭度師妹。《壹週刊》圖片
《蘋果日報》圖片
