朋友見面多，大家喜好又一樣，連外形都會愈嚟愈似！媽咪姐有感而發，都係因為前排喺中環ifc撞到章小蕙同盧覓雪。呢pair好姊妹，一路行一路笑唔停，而佢哋最合拍嘅，就係兩人都有個豪華臀。唔知嘅，喺後面望埋去，真係以為佢兩個係孖生姊妹！媽咪姐一向以為自己下盤穩，估唔到呢鋪都要甘拜下風！
歲月催人，仲記得章小蕙最fit嘅時候又拍寫真又拍三級片，身材都不知幾好，媽咪姐都好羨慕，不過依家就……唔知係咪章小蕙收入少咗，見佢濕平都忍住手，睇完一輪都係得個睇字。反而係盧覓雪買咗對豹紋鞋，仲風騷到着住走㖭！
盛臀雙輝
一睇背面，嘩！兩位靚女個pat pat，真係擺得落兩圍好大嘅麻雀檯呀！
傾偈傾到攰攰哋，章小蕙攞咗杯水慢慢嘆。一面飲水，前B嫂對眼繼續發電
倒瀉籮奶~盧覓雪俯身試豹紋鞋，即時倒瀉籮奶。好在幫佢試鞋個店員醒目避開，唔係嘅話，唔飽死都浸死呀！
