幫理不幫親，為咗幫范姜，試過喺fb公開話章小蕙唔啱，甚至要同娘家斷絕關係嘅B仔鍾嘉浚，上星期四（七月十九日）陪住媽咪一齊出席太公喪禮，重修舊好。
兩母子冇隔夜仇！上星期六（二十一日），《壹》仔再次見到章小蕙母子咇出街，只見鍾嘉浚攞住個舊Y-3紙袋，陪媽咪行咗入專買賣二手名牌嘅Brand Off TOKYO。
Y-3袋入面，裝住個黑色皮袋，好明顯，章小蕙想出貨，但當佢見到《壹》仔，即刻冇鞋挽屐走，仲急到係咁推住又高又大隻嘅嘉浚行，搞到個仔晒！
唓！賣袋之嘛，又唔係賣身，驚乜啫！
行快步啦！（設計對白）
幫章小蕙放低個Y-3紙袋，鍾嘉浚無聊周圍望。
終於截到的士，嘉浚好有風度，開門俾媽咪上車先。
