有爸爸錫，可以突然變司儀變紅人，兼且回復歌手身份就快出埋碟。有媽媽錫，都好，起碼可以由演員變歌手，搲到撈連兒歌都唱埋。
無線高層樂易玲前排就拉大隊去新城電台出席兒歌頒獎禮，同行囡囡有佘詩曼、廖碧兒、鍾嘉欣等等。當晚FBI 就見到樂易玲全程孖住佘詩曼雞啄唔斷兼搭晒膊頭。之後，樂小姐同阿佘仲前後腳賣甩其他囡囡去咗金鐘太古廣場food court high tea ，期間你估邊個揸fit 買嘢食？梗係樂小姐拍板啦，媽媽最知囡囡心意嘛！
其他阿女好似鍾嘉欣咁都好落力埋樂小姐身，不過想可以搭晒膊頭就難啲囉，影合照都係樂小姐撩吓手指示意過嚟咋！
之後約埋食飯，樂媽媽好主動咁親自去揀嘢食，阿佘就擘大口等食，樂媽媽最知囡囡心意。
