著數優惠交流網 » 影視、娛樂交流區 » 同你吟一吟:何超儀狂踩娛樂圈

同你吟一吟:何超儀狂踩娛樂圈

1^# 大中小 cheshire (IP: x.184.192.x) 發表於 2007-11-29 09:28 發短消息只看該作者

相關主題: 何超儀

早前何超儀應理工大學邀請，出席一個講座，同一班即將要出嚟社會工作嘅準畢業生，交流對人生嘅睇法。
本身係賭王何鴻燊太子女，唱過粗口歌、拍過同性戀激嘴電影，由佢嚟講自己喺娛樂圈嘅歷程，應該夠晒多姿多采，點知何超儀一上到台，居然大踩娛樂圈，叫各位大學生，千祈唔好發明星夢。
何超儀話當年老豆搞澳門小姐，因為唔夠參賽者，於是逼佢參選，但當時何超儀肥到一百三十磅，著泳衣只會暴露渾身賤肉，於是反建議做表演嘉賓，唱吓歌娛賓。
處女登場，何超儀即被唱片公司睇中，連大學都唔讀，入娛樂圈做歌手，但佢就叫班學生唔好學佢：「娛樂圈好黑暗，好多嘢都唔公平，付出同回報唔成正比，又要靠好多人事，如果大家有學歷，無謂做幕前咁曬。」何超儀有賭王老豆撐腰捱到今日，呢番肺腑之言，睇怕係佢真實寫照。

一眾準畢業生，打扮隆重現身，反而嘉賓何超儀著得比較平凡咗些少。