同你吟一吟:張可頤打救鄭裕玲

1^# 大中小 cheshire (IP: x.184.192.x) 發表於 2007-11-29 09:19 發短消息只看該作者

嗱過視后寶座嘅張可頤，演技唔使多講，但近排加入司儀界，外間反應彈多過讚，尤其係處女下海主持《香港先生選舉》，「金牌司儀」四個字，仲有好大段距離。
正所謂功多藝熟，上星期六（廿四日），張可頤拍住兩大司儀DoDo 鄭裕玲、曾志偉主持《愛心同行愛之夜》，技巧明顯進步唔少之餘，仲識得幫拍檔執生。

話說當晚表演嘉賓之一嘅GiGi 梁詠琪唱完歌，DoDo 對住支咪講：「好啦！唔該晒Maggie 嘅演出。」
GiGi 變Maggie ，同樣係鄭伊健舊愛，斷估DoDo 唔會諗錯邵美琪，好在張可頤都叫Maggie ，即刻兜翻：「係DoDo 姐，Maggie 響度！」DoDo 老貓燒鬚，好在叫GiGi 做Maggie ，你話如果叫咗做YoYo （蒙嘉慧），睇怕連曾志偉都兜唔翻。

據聞GiGi 當時都聽到DoDo 叫咗佢做Maggie ，唯有借聾耳陳隻耳扮聽唔到返入後台。（《蘋果日報》圖片）

唔該晒Maggie ！
DoDo 口快快叫咗GiGi 做Maggie ，好在張可頤識執生幫DoDo 兜翻，司儀分數即時提高。（《蘋果日報》圖片）

廷伸閱讀/相關主題推介:

相關主題:鄭裕玲張可頤

如果您喜歡這篇文章，請按「讚」或分享給您的朋友，以示鼓勵。

TOP

著數優惠交流網 » 影視、娛樂交流區 » 同你吟一吟:張可頤打救鄭裕玲