同你吟一吟:丁子高等千女華發落
五五場冇走音冇喊嘅楊千嬅「爭氣」演唱會，上星期二（十六日）尾場，跑步練氣節食減肥瘦咗超過十二磅嘅千嬅，慶功宴上大解放，大啖大啖香檳落肚，仲拆咗發哥發嫂專誠送上嘅陽澄湖蟹皇，一箱廿四隻，千嬅食咗兩隻，同工作人員分甘同味。
雖然已經可以唔使再節食減磅，不過，二五話千嬅遲吓仲要巡迴美加澳紐馬來亞，所以，佢仲會繼續跑步keep 住體能，目標係再減多五磅。
又係喎，瘦咗點都好過肥咗，如果唔係，遲吓去巡迴演唱啲衫著唔番，要重新做過仲弊。咦，唔知到時古天樂會唔會幫手做巡迴演唱
會呢？不過佢唔得閒都唔緊要，八珍相信俾人話狂追千嬅嘅丁子高會擔定櫈仔，霸頭位。
而被傳最近狂追千嬅嘅丁子高坐響台下，得個睇字。
演唱會上，千嬅預祝緋聞男友古天樂生日，兩人十指緊扣切蛋糕，
尾場唱完最後一首歌落台，千嬅哭成淚人，返到後台同老闆林建岳影相，佢仲係眼紅紅。
壹周刊第920期
