王秀琳避談與霍啟文拍拖，似是想保護戀情。
王秀琳、唐詩詠、周家蔚、陸詩韻、林忠豪等昨晚到尖沙嘴出席眼睛健康基金十周年慈善晚宴，王秀琳跟霍震寰29歲孻仔霍啟文打得火熱，她透露最近做辣醬小生意，是自己品牌，投資6位數。問男友是否支持？她落閘說：「唔講呢啲，都係專心做醬料。」問是否男友家人給壓力？她說：「一直以嚟都覺得感情唔應該太公開，以前我係娛樂圈，但𠵱家話我唔係娛樂圈，都唔會有人認同，但唔好咁張揚。」
（左起）李若彤、袁潔瑩及關寶慧昨晚現身支持眼睛健康基金。
之前被影到煮飯仔，是否很享受家庭樂？王秀琳說：「自己好樂意煮嘢畀屋企人同朋友食，總之身邊朋友都支持我嘅事業。」而李若彤剛拍完內地劇，問到會否拍港劇？她說：「最緊要角色啱，演醜女都冇所謂。」
採訪：羅慧敏
攝影：沈健程
from:
http://hk.apple.nextmedia ... 170921/20159159
