擁33C驕人咪咪的34歲賈曉晨（JJ）元旦秘婚做人妻，下嫁大自己9年的「力王」樊少皇，兩人於去年11月在婚姻登記處入紙，踏入2016年第一日就註冊，雖然他們都是藝人，但兩人卻低調婚訊，JJ僅在微信貼相洩密：「今天才是我們真正的紀念日！我們結婚了！」
昨日本報問JJ為甚麼低調結婚，她在電話說：「因為呢個係我好私人嘅事，我之前已經向大家交代咗結婚就OK㗎啦，之後唔想再講自己咁私人嘅事，所以想低調啲，因為我覺得工作需要向大家交代，唔係自己私人生活。」問到婚後有否生B計劃及會否減少工作專心做人妻？JJ一律拒談，只宣傳新劇：「關於家庭真係唔回應，希望大家多關注我最新主演嘅電視劇《蜀山》，我𠵱家全心全力宣傳呢部劇，其他私人嘢唔回應啦！」
【微信洩密】
賈曉晨JJ和「力王」樊少皇於元旦秘婚，其後被人在朋友圈偷相洩婚事。
【低調簽紙】
JJ戴上約值40萬的3卡半鑽戒襯露肩婚紗，與樊少皇正式註冊。
新婚人妻JJ拒談結婚細節，只肯談工作宣傳電視劇《蜀山》。劇照
酒店擺兩圍
JJ還強調不想用結婚做宣傳：「希望大家體諒嚇我，張相唔係我放出去，係啲人喺我朋友圈攞走，我一直唔想去做呢啲新聞，因為結婚交代一次就夠，我唔想再去交代結婚嘅嘢，我都希望大家可以理解我，嚟緊我所有關於私人嘢，我都唔再去回應，我只會講工作，唔該曬。」
雖然JJ封嘴拒講婚事，但就有知情人士爆當日兩人在律師樓註冊，之後在酒店擺兩圍宴請親友，雖然樊少皇送了一隻價值近40萬的3卡半鑽戒，但JJ卻揀選去年在土耳其旅行買的情侶金戒做結婚戒指，行禮時新郎和JJ媽咪都感動到眼紅紅，反而JJ就比較冷靜。昨日JJ經理人回覆：「JJ話嗰日好倉卒，冇請任何圈中人，註冊第二日就去北京宣傳。」
採訪：皓騫
from:
http://hk.apple.nextmedia ... 160107/19441199
