熊黛林前晚為水晶首飾品牌行騷，透露中秋會與父母過。
郭富城的愛駒「愛的呼喚」昨日首次出賽即拉頭馬，邱淑貞與丈夫沈嘉偉、張智霖和袁詠儀亦有捧場，但熊黛林則沒有現身撐城城；其實前晚熊黛林於灣仔會展為水晶首飾品牌行騷時，已表明為免搶風頭而不會到馬場，記者笑言她可效法楊怡戴帽現身，她說：「我咁高，戴帽唔好睇，我等遲啲冇人留意先去。」昨日她惟有於茶餐廳看直播為城城愛駒打氣，更投注了200元。
邱淑貞與丈夫沈嘉偉現身馬場撐城城愛駒。
好似睇仔比賽城城在賽後表示：「係沙圈個心怦怦跳，好似個仔去比賽咁，最後200米衝線太強，個心係咁跳；我同沈嘉偉講笑話隻馬似李小龍，肌肉好結實，買馬唔可以用賭博心態，之前朋友同觀眾問隻馬第一次出賽點，我都係話三甲啦，家拋離一個半馬位，斷定係隻好馬。」問城城如何慶祝？他笑言：「會同朋友打邊爐慶祝。」
