英格蘭歷史性打入世盃4強，對於英國人嚟講，當然係可喜可賀，就連出生率都升埋！8強嗰陣，英格蘭雖然喺法定時間以2比0擊敗瑞典，但喺英國嘅醫護人員同孕婦就要打加時，有專家話多咗5千人嚟排期生仔，出生率喺未來9個月仲會上升百分之10。原來呢樣嘢唔係今日先有，早喺1966年英格蘭第1次贏得世界盃嗰陣都已經有。唔好以為係贏波先多咗人生仔，喺2002年世盃8強英格蘭喺奧雲先入波嘅大好形勢下，畀李華度同朗拿甸奴入兩粒反勝，但係輸波都冇阻礙國民生育興趣，不過就冇今次咁誇張，只係多咗2千個小朋友出生。
?20180709112439
曼徹斯特大學嘅心理學專家Cary Cooper話英格蘭人呢幾年經歷經濟衰退、脫歐、特朗普當選同恐怖襲擊，今次英格蘭喺世盃嘅表現可以團結到英格蘭人。咁唔怪得肯為國家培育下一代啦！
http://football.on.cc/cnt ... amp;whichpage=1
