現年9歲的小巨肺譚芷昀（Celine）出戰《全美一叮》十強止步，輸了比賽的她昨日首現身尖沙嘴為食店任開幕嘉賓，拍照時展露招牌笑容。大會安排Celine妹妹跟父親譚順生一齊整甜品，司儀問爸爸靚仔嗎？Celine妹妺望着爸爸笑說：「不如你講呀！」之後都讚爸爸靚仔。問她除了唱歌還鍾意甚麼？Celine妹妺用半鹹淡廣東話說：「我最鍾意煮嘢食同畫畫。」
Celine妹妹接受司儀訪問，父母全程在旁贒實。
譚爸爸陪Celine妹妹整甜品，刻意展現父愛的溫馨場面。
唔理批評
譚爸爸全程傍實陪囡囡接受訪問，Celine妹妹表示開始返學，問到同學有甚麼反應？她說：「開心，佢哋恭喜我囉。」會否再參加比賽？Celine妹妹講出心聲：「其實我想同朋友一齊多啲，以前冇乜同朋友一齊返學，𠵱家想返吓學先，過幾個月可能再參加，我都好鍾意比賽。」譚爸爸指囡囡之前請了十多日假去比賽，但不擔心影響學業。
對於Celine Dion在社交網上請Celine妹妹做演唱會嘉賓？譚爸爸指詳情等經理人公司跟進，問Celine妹妹想跟偶像唱歌？她開心說：「當然啦。」譚爸爸又插嘴是夢想成真。問到有否留意網友批評？他說：「我哋一直唔理呢啲，大家都有智慧。」
對於在準決賽上扶患眼疾的Christian Guardino行到台前，Celine妹妹解釋：「佢雙眼有問題，當時佢叫我扶佢行出台。」譚爸爸又搭訕：「好多評判以為佢行錯路，其實係一個無私大愛，連父母同評判都見唔到嘅嘢，佢就做咗出嚟。」更激讚囡囡。
避答加價
問到譚爸爸女兒完了比賽自己是否可多接工作？他表示暫時未知。問是否加騷錢？他卻避答，再追問會否加價？他說：「其實唔會理，每個騷視乎經驗行先，好似今日活動，因為佢鍾意食嘢所以出席。」
採訪：卓寶花
攝影：沈健程
from:
http://hk.apple.nextmedia ... 170928/20166003
