近排荷李活套《詭娃安娜貝爾：造孽》喺香港上畫，去到邊都見到詭娃Annabelle張大頭poster，真係睇到個心寒一寒。話口未完，呢日下晝就見到真人版Annabelle飄過（搭電梯），有冇咁邪呢？望真啲原來係轉行做咗藥廠OL嘅韓君婷，搞邊科咁失手？
原來呢日Belinda（韓之洋名）約咗亞視舊同事蔡國威食lunch，兩個煙民例牌飯後企街打邊爐，三十幾度高溫，傾足廿分鐘，個人唔怕熱啫，唔代表個妝頂得住，加上年前撼崩鼻只係做咗一半手術，即刻出事，仲想拍拖搵另一半的韓君婷係時候搞搞佢啦！
大熱天時同蔡國威企街扯煙傾足廿分鐘，唔願走。
行番入商場，韓君婷一度失重心向後跌，幸得好友蔡國威從後傍住。
體重高峰期，龍躉粗髀跟身，著紅色泳衣肥上加肥。
翌年，失戀、抑鬱打孖嚟，體重急降，瘦到顴骨凸出變紙板人。
年前回流香港，凹鼻跟身，自稱撼崩鼻。
撰文：八珍
攝影、攝錄：蕭敬漁、森美、李溢敏
酷熱企街扯煙韓君婷溶妝變詭娃Annabelle
