韓君婷和汪圓圓昨日在觀塘apm出席商場活動時，跟法國甜點雕刻家學弄甜品擺設，低胸的韓君婷更做到忘形露出胸圍邊。韓君婷早前被本報拍到跟外籍友人夜蒲兼在室內煲煙，友人更向傳媒做不良手勢，她昨日代友道歉說：「佢哋喺外國嚟，唔係好習慣我嘅生活模式，我喺度代佢哋講聲對唔住。」
汪圓圓（左）和韓君婷在商場炮製甜品擺設，用朱古力、糖漿畫面譜。
對於被拍下違規在室內煲煙，韓君婷死撐說：「冇可能，我係煙民，但嗰日只喺戶外食。我已經食少咗，唔係咁快可以戒得甩。」何韻詩早前承認同性戀，韓君婷也不時被傳有同性密友，她說：「我不嬲都唔評論朋友性取向，我自己就唔接受（同性戀），我依然好鍾意男仔。」汪圓圓就謂沒留意近期的o靚模現象，對o靚模不時被指整容、身材加工，她說：「冇諗佢哋係真定假，整容都係佢哋自己嘅選擇。」
